കണ്ണൂര്: കണ്ണൂരിലെ സാമൂഹ്യവിരുദ്ധരെ ഒതുക്കാന് പോലീസ് ക്ലീന് കണ്ണൂര് പദ്ധതി ആരംഭിക്കുന്നു. ബസ് സ്റ്റാന്റുകളിലും പരിസരങ്ങളിലും രാപ്പകല് സാമൂഹ്യവിരുദ്ധര് അഴിഞ്ഞാടുന്നുവെന്ന പരാതിയെത്തുടര്ന്ന് വരും നാളുകളില് മുഴുവന് സാമൂഹ്യവിരുദ്ധരെയും ഒഴിവാക്കാനാണ് പോലീസ് പദ്ധതി. ഇതിനായി കൂടുതല് പോലീസിനെ ഉടന് വിന്യസിക്കും.
ഫുട്ഓവര് ബ്രിഡ്ജ്, ബസ് സ്റ്റാന്റുകള്, റെയില്വെ പരിസരം, മാളുകള് എന്നിവിടങ്ങളില് രാപ്പകല് പോലീസ് ക്യാമ്പ് ചെയ്യും. മഫ്തി പോലീസിനെയും നിയോഗിക്കും. പരസ്യ മദ്യപാനവും ബ്ലേഡ്, സാമൂഹ്യവിരുദ്ധ നടപടികളും അരങ്ങേറുന്നുവെന്ന പരാതിയെ തുടര്ന്നാണിത്. വന് തോതില് കഞ്ചാവ് വില്പനയും പലയിടത്തും നടക്കുന്നുണ്ട്്. സന്ധ്യകഴിഞ്ഞാല് പലയിടങ്ങളും സാമൂഹ്യവിരുദ്ധര് കൈയ്യടക്കും. രാത്രിയില് ഇതുവഴി വരുന്നവരെ പോക്കറ്റടിക്കുകയും അക്രമിക്കുകയും ചെയ്യും. ഒറ്റയ്ക്ക് ചെറുത്തുനില്ക്കാന് കഴിയാതെ പലരും ഓടിരക്ഷപ്പെടുകയാണ് പതിവ്. മുമ്പ് നിരവധി പേരെ വിവിധ റെയില്വെ ട്രാക്കില് മരിച്ചനിലയിലും കണ്ടെത്തിയിരുന്നു.
ജില്ലയിലെ സാമൂഹ്യവിരുദ്ധരെ ഒതുക്കാന് പോലീസ് രംഗത്തെത്തുകയാണ്. ജനങ്ങളുടെ സൈ്വരജീവിതത്തിന് ഭീഷണിയാകുന്ന തരത്തില് അക്രമങ്ങള് നടത്തിവരുന്ന മയക്കുമരുന്ന് മാഫിയയെ ജനകീയ സഹകരണത്തോടെ അമര്ച്ച ചെയ്യാനും പോലീസ് തീരുമാനിച്ചിട്ടുണ്ട്. മദ്യം മയക്കുമരുന്നിനെതിരെ യുവസമൂഹത്തെ ബോധവാന്മാരാക്കും. ഇക്കാര്യത്തില് മാതാപിതാക്കള് ജാഗ്രത പുലര്ത്തണമെന്നും പോലീസ് ഉദ്യോഗസ്ഥര് പറഞ്ഞു.
