കോഴിക്കോട്: പ്രശസ്ത കവി എം.എന്. പാലൂര് (86) അന്തരിച്ചു. കോഴിക്കോട്ടെ വസതിയിലായിരുന്നു അന്ത്യം. കേന്ദ്ര, കേരള സാഹിത്യ അക്കാഡമി അവാര്ഡുകളും ആശാന് കവിതാപുരസ്കാരവും നേടിയിട്ടുണ്ട്.
കഥയില്ലാത്തവന്റെ കഥ എന്ന ആത്മകഥയ്ക്കാണ് 2013ല് കേന്ദ്ര സാഹിത്യ അക്കാഡമി അവാര്ഡ് ലഭിച്ചത്. പേടിത്തൊണ്ടന്, കലികാലം, പച്ചമാങ്ങ തുടങ്ങിയവയാണ് പ്രധാനകൃതികള്.
എറണാകുളം പറവൂര് പാലരു മനയ്ക്കല് മാധവന് നമ്പൂതിരിയുടെയും ശ്രീദേവി അന്തര്ജനത്തിന്റെയും മകനായി 1932 ജൂണ് 22ന് ജനിച്ച മാധവന് ഔപചാരിക വിദ്യാഭ്യാസത്തിന് അവസരം ലഭിച്ചിരുന്നില്ല. സംസ്കൃത ഭാഷയും ദേവനാഗരി ലിപിയും വളരെ ചെറുപ്പത്തില് തന്നെ പാലരു പഠിച്ചു. നാട്യാചാര്യന് പട്ടിക്കാംതൊടി രാവുണ്ണി മേനോന്റെയും വാഴേങ്കട കുഞ്ചുനായരുടെയും കീഴില് കഥകളിയും അഭ്യസിച്ചു. 1959ല് മുംബൈയില് ഇന്ത്യന് എയര്ലൈന്സില് ജീവനക്കാരനായി. 1990ല് ഗ്രൗണ്ട് സപ്പോര്ട്ടിങ് ഡിവിഷനില് സീനിയര് ഓപ്പറേറ്ററായി വിരമിച്ചു.
തീര്ത്ഥയാത്ര, ഭംഗിയും അഭംഗിയും, സംഗമ സംഗീതം, സര്ഗധാര, കലികാലം തുടങ്ങിയവയും പാലൂരിന്റെ പ്രധാന കൃതികളാണ്. കലികാലം 1983ല് കേരള സാഹിത്യ അക്കാദമി പുരസ്കാരം നേടി.
