ലണ്ടന്: യുവേഫ യൂറോപ്പ ലീഗില് ആഴ്സണലും ചെല്സിയും ജയത്തോടെ അരങ്ങേറി. അതേസമയം വിയാറയലിനെ റെയ്ഞ്ചേഴ്സ് സമനിലയില് തളച്ചു.
ആഴ്സണല് ആദ്യ മത്സരത്തില് അവര് രണ്ടിനെതിരെ നാലു ഗോളുകള്ക്ക് വോര്സ്കല പോള്റ്റാവയെ പരാജയപ്പെടുത്തി. ചെല്സി ഏകപക്ഷീയമായ ഒരുഗോളിന് പിഎഒകെ ടീമിനെ തോല്പ്പിച്ചു. ഔബാമെയാങ്ങിന്റെ ഇരട്ട ഗോളാണ് ആഴ്സണലിന് വിജയമൊരുക്കിയത്. 32, 56 മിനിറ്റുകളിലാണ് ഔബാമെയാങ്ങ് ഗോള് നേടിയത്. മെസ്യൂട്ട് ഓസില് , ഡാനി വെല്ബക്ക്
എന്നിവര് ഓരോ ഗോള് വീതം നേടി. ചെസ്നക്കോവും വ്യാചെസ്ലാവുമാണ് വോര്സ്കലക്കുവേണ്ടി ഗോളുകള് കുറിച്ചത്. ഈ വിജയത്തോടെ ആഴ്സണല് ഗ്രൂപ്പ്് ഇ യില് സ്പോര്ട്ടിങ്ങിനൊപ്പം ഒന്നാം സ്ഥാനത്തെത്തി. ലിസ്ബണില് നടന്ന മത്സരത്തില് സ്പോര്ട്ടിങ് ഏകപക്ഷീയമായ രണ്ട് ഗോളുകള്ക്ക് ക്വരാബാഗിനെ തോല്പ്പിച്ചു.
ശക്തമായ പോരാട്ടത്തിലാണ് റെയ്ഞ്ചേഴ്സ് വിയാറയലിനെ സമനിലയില് പിടിച്ചു നിര്ത്തിയത്. ഇരു ടീമുകളും രണ്ട് ഗോള് വീതം നേടി.മറ്റു മത്സരങ്ങളില് മിലാന്, ബയര് ലവര്കുസന്, സെല്റ്റിക് , സാല്സ്ബര്ഗ് എന്നീ ടീമുകള് വിജയം നേടി.
മിലാന് ഏകപക്ഷീയമായ ഒരു ഗോളിന് ഡ്യൂഡിലാങ്ങിനെ പരാജയപ്പെടുത്തി.ബയര് ലവര്കുസന് രണ്ടിനെതിരെ മൂന്ന് ഗോളുകള്ക്ക് ലുഡോഗോറെറ്റ്്സിനെ തോല്പ്പിച്ചു. സെല്റ്റിക് മടക്കമില്ലാത്ത ഒരു ഗോളിന് റോസന്ബോര്ഗിനെ കീഴടക്കി.
സാല്സ്ബര്ഗ് ആവേശകരമായ പോരാട്ടത്തില് രണ്ടിനെതിരെ മൂന്ന് ഗോളുകള്ക്ക് ആര്ബി ലീപ്സിഗിനെ പരാജയപ്പെടുത്തി.
