അടിമാലി : സൂര്യനെല്ലിയിൽ വീണ്ടും കാട്ടാന ആക്രമണം. അടിമാലി പെട്ടിമുടി സ്വദേശി ഞാവൽമറ്റം തങ്കച്ചൻ (55) ആണ് കാട്ടാന ആക്രമണത്തിൽ മരിച്ചത് .
ഇയാളുടെ ബന്ധു ഗോപിയുടെ വീട്ടിൽ എത്തിയ ഇദ്ദേഹം ഭക്ഷണം കഴിച്ചതിന് ശേഷം മറ്റൊരു ബന്ധുവിന്റെ കുടെ അടുത്തുള്ള ഷെഡിൽ ഉറങ്ങാൻ പോകുമ്പോൾ കാട്ടാന തുമ്പികൈയ്ക്ക് അടിച്ച വീഴുത്തുകയായിരുന്നു. ബോധം പോയ തങ്കച്ചനെ ഗോപിയുടെ വീട്ടിൽ കൊണ്ടുവന്ന് വെള്ളം നൽകിയെങ്കിലും മരണം സംഭവിച്ചതായി ബന്ധുക്കൾ പോലീസിനോടെ പറഞ്ഞു.
ഒരു മാസത്തിനിടെ ഈ പ്രദേശത്ത് രണ്ടാമത്തെ ആളാണ് കാട്ടാന ആക്രമണത്തിൽ കൊല്ലപ്പെടുന്നത്. ജനവാസ മേഖലയിലെത്തുന്ന ആനകളെ തുരത്താൻ വനംവകുപ്പ് നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു. ശാന്ത പാറ പോലീസിന്റെ നേതൃത്വത്തിൽ മൃതദ്ദേഹം അടിമാലി താലൂക്കാശുപത്രിയിൽ എത്തിച്ച മേൽ നടപടി സ്വീകരിച്ചു വരുന്നു ഭാര്യ: സിന്ധു.
