തിരുവനന്തപുരം: വിദേശരാജ്യങ്ങളില് നടപ്പാക്കുന്ന സ്വദേശിവത്കരണം കേരള സമ്പദ്വ്യവസ്ഥയെ കാര്യമായി ബാധിക്കുമെന്ന് മുഖ്യമന്ത്രി പിണറായി വിജയന് നിയമസഭയില് പറഞ്ഞു. നിരവധി പ്രവാസികള്ക്ക് തൊഴില് നഷ്ടപ്പെടുന്നുണ്ട്. ഇതു പരിഹരിക്കാന് നോര്ക്കയ്ക്കു കീഴില് പ്രോജക്ട് ഫോര് റിട്ടേണ് എമിഗ്രന്റ്സ് എന്ന പേരില് പദ്ധതി തുടങ്ങും.
അതില് വായ്പ ഉള്പ്പെടെയുള്ള ആനുകൂല്യങ്ങള് നല്കും. 20 ലക്ഷം രൂപ അടങ്കല് മൂലധനവും 20 ലക്ഷം ചിലവും വരുന്ന പദ്ധതിക്ക് 15 ശതമാനം മൂലധന സബ്സിഡിയും നല്കും. വായ്പ നല്കുന്നതിന് എസ്ബിഐ ബിഒഐ എന്നീ ബാങ്കുകളുമായി ധാരണയിലെത്തിയിട്ടുണ്ടെന്നും മുഖ്യമന്ത്രി പറഞ്ഞു.
സംസ്ഥാനത്തെ എല്ലാ മെഡിക്കല് കോളേജുകളിലും അവയവമാറ്റ ശസ്ത്രക്രിയ ആരംഭിക്കുന്ന കാര്യം സര്ക്കാര് പരിഗണനയിലാണെന്ന് മുഖ്യമന്ത്രി അറിയിച്ചു. കോഴിക്കോട്, തിരുവനന്തപുരം ലൈറ്റ് മെട്രോ പദ്ധതിയുമായി ബന്ധപ്പെട്ട് ഡിപിആര് പരിശോധിക്കാന് ധനകാര്യ വകുപ്പ് സെക്രട്ടറിയുടെ അധ്യക്ഷതയില് സമിതിയെ നിയോഗിച്ചിട്ടുണ്ടെന്നും മുഖ്യമന്ത്രി പറഞ്ഞു.
