മസ്ക്കറ്റ്: അറബിക്കടലില് രൂപം കൊണ്ട മെകുനു ചുഴലിക്കാറ്റ് ഒമാനിലെ സലാല തീരത്തേക്ക് അടുക്കുന്നു. പ്രതികൂല കാലാവസ്ഥ ഉണ്ടാകുമെന്ന വിവരത്തെ തുടര്ന്ന് സലാല വിമാനത്താവളം 24 മണിക്കൂര് നേരത്തേക്ക് അടക്കാന് വ്യോമയാന അഥോറിറ്റി അധികൃതര് ഉത്തരവിട്ടു.
കാറ്റഗറി രണ്ടു വിഭാഗത്തിലേക്ക് മാറിയ ചുഴലിക്കാറ്റിനൊപ്പം കനത്ത മഴയുമുണ്ടാകാം. സലാലയുള്പ്പെടുന്ന ദോഫാര് ഗവര്ണറേറ്റിലും, അല്വുസ്ത മേഖലയിലുമാണു കാറ്റ് വ്യാപകമായ നാശം വിതയ്ക്കാന് സാധ്യതയുള്ളത്.
വ്യാഴാഴ്ച ഉച്ചകഴിഞ്ഞു മുതല് സലാല തീരങ്ങളില് വന് തിരമാലകളും ശക്തമായ മഴയുമുണ്ട്. മൂടിക്കെട്ടിയ അന്തരീക്ഷമാണ്.
