ഇരിട്ടി: കര്ണ്ണാടകത്തില് നിന്നും കേരളത്തിലേക്ക് കടത്തുകയായിരുന്ന മൂന്ന് ലക്ഷത്തോളം രൂപ വിലവരുന്ന നിരോധിത പാന് മസാലകളുമായി ക്ലീനര് ഇരിട്ടി പോലീസിന്റെ പിടിയിലായി. ബംഗളൂരുവില് നിന്നും ഇരിട്ടിയിലേക്ക് വരികയായിരുന്ന ടൂറിസ്റ്റ് ബസ്സിലെ ക്ലീനര് ബംഗളൂരു ചാമരാജ്പേട്ട സ്വദേശി ശ്രീനിവാസ് (22) ആണ് ഇരിട്ടി എസ്ഐ സഞ്ജയ് കുമാറിന്റെയും സംഘത്തിന്റെയും പിടിയിലായത്. ബുധനാഴ്ച പുലര്ച്ചെ കുന്നോത്ത് ഹൈസ്കൂളിന് സമീപത്തായിരുന്നു വാഹന പരിശോധന. രണ്ടു പ്ലാസ്റ്റിറ്റിക് ചാക്കുകളിലാക്കി ബസ്സിനടിയിലെ ഡിക്കിയില് സൂക്ഷിച്ച നിലയിലായിരുന്നു പാന് മസാലകള്. പ്രതിയെ ചോദ്യം ചെയ്തതില് നിന്നും പാനൂര് സ്വദേശി മുനീറിന് വേണ്ടിയാണ് ഇവ കടത്തിക്കൊണ്ടുവന്നതെന്ന് വിവരം ലഭിച്ചതായും മുനീറിനെ പിടികൂടാനുള്ള ശ്രമം നടത്തുന്നതായും എസ്ഐ സഞ്ജയ്കുമാര് പറഞ്ഞു. കൂള്ലിപ്, ഹാന്സ് തുടങ്ങിയ ബ്രാന്ഡുകളില് ഉള്ളതായിരുന്നു പാന്മസാല പാക്കറ്റുകള്. ഇവ കേരളത്തില് വില്പ്പന നടത്തുന്നത് നിരോധിച്ചിട്ടുള്ളതാണ്.
മൂന്ന് ലക്ഷത്തോളം രൂപയുടെ പാന് മസാലകളുമായി ഒരാള് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.