കണ്ണൂര്: വിവാഹത്തലേന്ന് പ്രതിശ്രുത വരന് പീഡനക്കേസില് അറസ്റ്റില്. പതിനേഴ് വയസുകാരിയായ പ്ലസ് ടു വിദ്യാര്ഥിനിയെ നഗ്നചിത്രം കാട്ടി പീഡിപ്പിച്ചുവെന്ന് കേസിലാണ് യുവാവ് അറസ്റ്റിലായത്. ഇതോടെ ഇന്ന് നടക്കേണ്ടിയിരുന്ന വിവാഹം മുടങ്ങി.
പാനൂരിനടുത്ത വിളക്കോട്ടൂരിലെ ലിനീഷ് (27) ആണ് അറസ്റ്റിലായത്. യുവാവിനെതിരേ പരാതി കിട്ടിയതോടെ കൊളവല്ലൂര് പോലീസ് അന്വേഷിച്ച് അറസ്റ്റ് രേഖപ്പെടുത്തുകയായിരുന്നു. പോക്സോ വകുപ്പ് പ്രകാരമാണ് യുവാവിനെതിരേ കേസ് രജിസ്റ്റര് ചെയ്തിരിക്കുന്നത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
