ചേര്ത്തല: താലൂക്ക് ആശുപത്രിയിലെ കാന്റീന് നിര്മാണത്തെ ചൊല്ലി ഉടലെടുത്ത ഭരണ പ്രതിപക്ഷ പോര് പൊട്ടിത്തെറിയിലേക്ക്. നഗരസഭ ഭരണ നേതൃത്വത്തിനെതിരെ അവിശ്വാസ പ്രമേയത്തിന് പ്രതിപക്ഷത്തിന്റെ നീക്കം.
കോണ്ഗ്രസ് നേതൃത്വത്തിലുള്ള ഭരണസമിതി സമസ്ത മേഖലയിലും പരാജയപ്പെട്ടെന്നും അടുത്തയാഴ്ച അവിശ്വാസ പ്രമേയത്തിന് നോട്ടീസ് നല്കുമെന്നും പ്രതിപക്ഷ നേതാവ് എന്.ആര്. ബാബുരാജ്, കൗണ്സിലര്മാരായ ടോമി എബ്രഹാം, വി. അജിത്ത് എന്നിവര് പറഞ്ഞു.
ദേശീയ അംഗീകാരം ലഭിച്ച താലൂക്ക് ആശുപത്രിയുടെ പ്രവര്ത്തനം താറുമാറായി. ഡോക്ടര്മാരെയും ജീവനക്കാരെയും വിശ്വാസത്തിലെടുത്ത് ആശുപത്രിയുടെ പ്രവര്ത്തനം മെച്ചപ്പെടുത്താന് ബന്ധപ്പെട്ടവര് നടപടി സ്വീകരിക്കാത്തതാണ് ഇതിന് കാരണം. നഗരസഭയുടെ പദ്ധതിയില് ഉള്പ്പെടുത്തി കൗണ്സില് യോഗത്തില് പ്രതിപക്ഷത്തിന്റെ അംഗീകാരം നേടിയാണ് പദ്ധതികള് നടപ്പാക്കുന്നതെന്ന് ചെയര്മാന് ഐസക് മാടവന പറഞ്ഞു.
പിന്നീട് ഇതിനെതിരെ ആരോപണങ്ങള് ഉന്നയിക്കുന്നത് അര്ത്ഥശൂന്യമാണെന്നും അദ്ദേഹം പറഞ്ഞു.
