പാനൂര്: മത്തിക്കളം കുന്നിനെ വെട്ടിമുറിച്ച് ചെങ്കല്വെട്ട്് മാഫിയ. നിളളങ്ങല്, കൈവേലിക്കല് പ്രദേശം പാരിസ്ഥിതിക ഭീഷണിയില്.
പ്രകൃതി കനിഞ്ഞനുഗ്രഹിച്ച നിളളങ്ങല്-കൈവേലിക്കല് ഗ്രാമത്തിന്റെ ജീവാത്മാവായിരുന്നു മത്തിക്കളം കുന്ന്. കുറച്ച് വര്ഷം മുന്പ് വരെ കടുത്ത വേനലിലും കുടിനീരിനായി പരാശ്രയം തേടാത്തവര് ഇന്ന് കാലമെത്താതെ തന്നെ വരള്ച്ചയെ അഭിമുഖീകരിക്കുന്നു. മൂന്നു വര്ഷം മുന്പ് മലപ്പുറത്ത് നിന്നും എത്തിയ കല്ലുവെട്ട് മാഫിയ നാട്ടുകാരില് നിന്നും സ്ഥലം വാങ്ങി ആരംഭിച്ച ചെങ്കല് ഖനനം ഇന്ന് സര്വ്വസീമകളും ലംഘിച്ച് തുടരുകയാണ്.
ഉപജീവനം തേടി ആടുമാടുകളെ മേയ്ക്കാനും വിറകു ശേഖരിക്കാനും പോയവര്ക്ക് ഇന്നു മത്തിക്കളം കുന്നും പരിസരവും അന്യമാണ്. പ്രകൃതിദത്തമായ പുല്മൈതാനമുണ്ടായിരുന്നു ഇവിടെ. പേരുപേലെ തന്നെ മനോഹരമായ തുമ്പക്കളം പച്ചപ്പില് കശുവണ്ടിത്തോട്ടങ്ങള് നിരനിരയായി തുമ്പക്കളം മൈതാനത്തിന് ചാരുതയേകിയിരുന്നു. നാട്ടുകാരുടെ പേരിലുണ്ടായിരുന്ന സ്ഥലങ്ങള് ചില രാഷ്ട്രീയക്കാരുടെ പിന്ബലത്തില് ചെങ്കല് മാഫിയ കൈവശപ്പെടുത്തുകയായിരുന്നു. നാട്ടുകാര് പ്രതിഷേധമറിയിച്ച് ചില ഘട്ടങ്ങളില് ഇറങ്ങിയെങ്കിലും രാഷ്ട്രീയ ഗുണ്ടകളുടെ ഭീഷണി പല കോണുകളില് നിന്നും ഉയര്ന്നതോടെ പ്രതിഷേധവും കെട്ടടങ്ങി.
നിത്യേന നൂറുകണക്കിന് ലോഡ് ചെങ്കല്ലും മണ്ണും ഇവിടെ നിന്നും പുറത്തേക്കു പോകുന്നുണ്ടെന്ന് നാട്ടുകാര് ജന്മഭൂമിയോട് പറഞ്ഞു. മണ്ണുമാന്തിയും ചെങ്കല്വെട്ട് യന്ത്രങ്ങളും കലപിലകൂട്ടുന്ന രാപ്പകലുകള് അന്തമില്ലാതെ നീങ്ങുമ്പോള് ഭയപ്പാടോടെ കഴിയുകയാണ് നിളളങ്ങല്, കൈവേലിക്കല് നിവാസികള്. മാഫിയകള് തുരന്നെടുത്ത കുന്നിന്ചെരിവുകളില് നിന്നും നിലതെറ്റി വീഴാന് ഒരുങ്ങിനില്ക്കുന്ന മത്തിക്കളം കുന്ന് ആരിലും ഭയപ്പാടുണ്ടാക്കുക തന്നെ ചെയ്യും. ഒരു ഉരുള്പൊട്ടല് ഭീഷണിപ്രകൃതി ദുരന്തമായി ഈ രണ്ടു ഗ്രാമത്തെയും നിഴലു പോലെ പിന്തുടരുന്നുണ്ട്. ഇനിയെങ്കിലും അധികൃതര് ഇടപ്പെട്ട് അരുതെന്ന് കല്പ്പിക്കാന് തയ്യാറായില്ലെങ്കില് ഒരു ജനതതി തന്നെ ചില മാഫിയകളുടെ പണക്കൊതിയില് ഇല്ലാതാവും.പുതുവത്സര ദിനത്തില് അധികൃതരുടെ മുന്നില് ജന്മഭൂമി തുറന്നു കാട്ടുന്നത് അതിജീവനത്തിനായുളള രണ്ട് ഗ്രാമങ്ങളുടെ കദനകഥയാണ്. നടപടിയെടുക്കാന് ആര്ജ്ജവമുണ്ടാവണം ഭരണകൂടത്തിന്….
