ഇരിങ്ങാലക്കുട : ദേശീയ ഗണിത ദിനാചരണത്തിന്റെ ഭാഗമായി മാധവഗണിത കേന്ദ്രത്തിന്റെ ആഭിമുഖ്യത്തില് സംഗമ ഗ്രാമ മാധവ അനുസ്മരണ സമ്മേളനം നടത്തി. മാധവാചാര്യന്റെ ജന്മഗൃഹമായ ഇരിഞ്ഞാടപ്പിള്ളി മനയില് വച്ചാണ് സമ്മേളനം നടന്നത് . ഏതു നാട്ടിലും മഹാന്മാരെ ആദരിക്കുകയും അവരുടെ ഓര്മ്മകള് പുതുക്കാന് ആഘോഷങ്ങള് സംഘടിപ്പിക്കുകയും വേണമെന്നു മുംബൈ ഐ.ഐ.ടി പ്രഫസര്ഡോ. കെ രാമസുബ്രഹ്മണ്യം അഭിപ്രായപെട്ടു.
ചടങ്ങില് രാജ്യസഭാംഗം പ്രഫ. റിച്ചാര്ഡ്സ ഹേയുടെ സന്ദേശം ഡോ. എന് സി ഇന്ദുചൂഡന് വായിച്ചു. മാധവാചാര്യന്റെ സ്മരണ നിലനിര്ത്താന് അദ്ദേഹത്തിന്റെ തപാല്സ്റ്റാമ്പ് ഇറക്കണമെന്ന സമ്മേളനം സര്ക്കാരിനോട് ആവശ്യപ്പെട്ടു. ജന്മഗൃഹത്തില് അദ്ദേഹത്തിന്റെ പ്രതീകമായി ഇലഞ്ഞി മരം നട്ടു. സംഗമ ഗ്രാമത്തിന്റെ പൈതൃക സംരക്ഷകരായ വ്യക്തികളെ ചടങ്ങില് ആദരിച്ചു. ചടങ്ങിന്റെ അദ്ധ്യക്ഷനും പ്രമുഖ സംസ്കൃതപണ്ഡിതനുമായ ഡോ.കാഞ്ഞാട് വാസുദേവന്, പ്രകാശ് കീഴാഡൂര്, സുബ്രഹ്മണ്യന്, ഇ.കെ.വിനോദ് എന്നിവരെ ചടങ്ങില് ആദരിച്ചു കൈലാസ വിശ്വകര്മ്മ, പി.എന്.ഈശ്വരന്, എം വേണുഗോപാല്, എ.എസ് സതീശന്, എ.വിനോദ്, ഇ.കെ കേശവന്, കെ.വിജയരാഘവന്, ഷീല പുരുഷോത്തമന്, ആനന്ദവല്ലി എന്നിവര് ചടങ്ങില് സംസാരിച്ചു . ഇരിഞ്ഞാടപള്ളി ശ്രീകൃഷ്ണ സ്വാമി ക്ഷേത്രത്തിനകത്ത് ആചാര്യന് വാനനിരീക്ഷണത്തിനായ് ഉപയോഗിച്ചിരുന്ന ശിലകളില് പുഷപാര്ച്ചന നടത്തിയാണ് ചടങ്ങുകള് ആരംഭിച്ചത്. ഇല്ലത്തിനകത്തെ കെടാവിളക്കില് നിന്നും ദീപം മനയിലെ ഇപ്പോഴത്തെ കാരണവര് പുരുഷോത്തമന് നമ്പൂതിരി പകര്ന്ന് നല്കി.
പ്രതികരിക്കാൻ ഇവിടെ എഴുതുക: