ചാവക്കാട്: ബാങ്കില് നിന്നെടുത്ത ലോണ് പിരിച്ചെടുക്കാന് ചെന്ന എച്ച്ഡിഎഫ്സി ബാങ്ക് ജീവനക്കാരിക്ക് മര്ദ്ദനമേറ്റതായി പരാതി. മൈക്രോ ഫിനാന്സ് സംവിധാനം വഴി എടുത്ത ലോണ് പിരിച്ചെടുക്കാന് ചെന്ന എച്ച്.ഡി.എഫ്.സി ചാവക്കാട് ബ്രാഞ്ചിലെ കളക്ഷന് ഏജന്റ് മണത്തല മടപ്പാട്ട് വീട്ടില് പ്രഷീന വിനോദ് (29) നാണ് മര്ദ്ദനമേറ്റത്. പരിക്കേറ്റ പ്രഷീന താലൂക്ക് ആശുപത്രിയില് ചികിത്സയിലാണ്.
കഴിഞ്ഞ ദിവസം പുന്നയൂര് പഞ്ചായത്ത് തെക്കിനേടത്ത് പടിയിലാണ് സംഭവം. കുരിക്കളകത്ത് സെയ്തലവി ഭാര്യ നെബീസു ബാങ്കില് നിന്ന് ലോണ് എടുത്തിരുന്നു. കാലാവധി കഴിഞ്ഞിട്ടും ലോണ് തിരിച്ചടക്കാതെ വന്നപ്പോള് നിരവധി തവണ ഇവരെ ബാങ്കില് നിന്ന് ഫോണില് ബന്ധപ്പെട്ടിരുന്നു. കഴിഞ്ഞ ദിവസം ബന്ധപ്പെട്ടപ്പോള് വീട്ടിലേക്ക് വരുവാന് ആവശ്യപ്പെടുകയായിരുന്നു. ഇതനുസരിച്ച് പണം വാങ്ങാന് വീട്ടില് ചെന്ന പ്രഷീനയ്ക്ക് കേവലം 500 രൂപയാണ് നല്കിയത്. അതുമായി ബന്ധപ്പെട്ട് സംസാരിച്ചു കൊണ്ടിരിക്കുമ്പോള് ഇവരുടെ മകന് സുഹൈര് അകത്തു നിന്ന് ഇറങ്ങി വന്ന് തട്ടിക്കയറുകയും ദേഹോപദ്രവമേല്പ്പിക്കുകയായിരുന്നു എന്ന് പ്രഷീന പറഞ്ഞു. ബാങ്ക് അധികൃതര് നല്കിയ പരാതിയില് വടക്കേകാട് പോലീസ് കേസ്സെടുത്തു.
പ്രതികരിക്കാൻ ഇവിടെ എഴുതുക: