കണ്ണൂര്: ഓട്ടോയില് കയറിയ സ്ത്രീയോട് അപമര്യാദമായി പെരുമാറിയതിനെ തുടര്ന്ന് ഓട്ടോയില് നിന്നും സ്ത്രീ ചാടി രക്ഷപ്പെട്ട കേസില് നിരപരാധിയെ പോലീസ് കസ്റ്റഡിയിലെടുത്തെന്ന പരാതിയെക്കുറിച്ച് നേരിട്ട് അനേ്വഷിക്കാന് മനുഷ്യാവകാശ കമ്മീഷന് ഉത്തരവ്.
കമ്മീഷന്റെ മുഖ്യ അനേ്വഷണ ഉദേ്യാഗസ്ഥനായ പോലീസ് സൂപ്രണ്ടിനാണ് കമ്മീഷന് ആക്റ്റിംഗ് അദ്ധ്യക്ഷന് ജഡ്ജി പി.മോഹനദാസ് ഉത്തരവ് നല്കിയത്. ഫെബ്രുവരിയില് കണ്ണൂരില് നടക്കുന്ന സിറ്റിംഗില് കേസ് പരിഗണിക്കും.
കണ്ണൂര് കൊഴുമ്മല് അഞ്ചിക്കല് ഹൗസില് റൂബീന നല്കിയ പരാതിയിലാണ് ഉത്തരവ്. റുബീനയുടെ സഹോദരന് ഷാനവാസിനെ ഡിസംബര് 7 ന് കാസര്ഗോഡ് ചന്തേര പോലീസ് അറസ്റ്റ് ചെയ്ത് ജയിലിലിട്ടെന്ന് പരാതിയില് പറയുന്നു. നവംബര് 24 ന് രാത്രി 10 ന് പോലീസുകാര് വീട്ടിലെത്തി ഷാനവാസ് ഉപയോഗിക്കുന്ന ഓട്ടോ പരിശോധിച്ചെങ്കിലും കൃത്യത്തിന് കാരണമായ ഓട്ടോറിക്ഷ കണ്ടെത്താന് കഴിയാത്തതിനെ തുടര്ന്ന് മടങ്ങുകയായിരുന്നുവത്രെ. തുടര്ന്ന് ഡിസംബര് 7 ന് രാവിലെ 10 ന് റുബീനയുടെ പിതാവിനെ സ്റ്റേഷനില് നിന്ന് വിളിക്കുകയും മകനെയും കൊണ്ട് സ്റ്റേഷനിലെത്താന് ആവശ്യപ്പെടുകയും ചെയ്തു. തുടര്ന്ന് അറസ്റ്റ് ചെയ്യുകയായിരുന്നു.
എന്നാല് സംഭവസമയം ഷാനവാസ് പരിയാരം ദന്തല് കോളേജില് പല്ലിന് റൂട്ട്കനാല് ചെയ്യുകയായിരുന്നുവെന്ന് പരാതിയില് പറയുന്നു. ഷാനവാസിന്റെ ഫോണ് ടവര് പരിശോധിച്ചാല് ഇക്കാര്യം വ്യക്തമാകുമെന്നും ചികിത്സിച്ച ഡോക്ടറെ വിസ്തരിക്കണമെന്നും പരാതിക്കാരി ആവശ്യപ്പെട്ടു. യഥാര്ത്ഥ പ്രതിയെ രക്ഷപ്പെടുത്താനുള്ള ശ്രമമാണ് നടക്കുന്നതെന്നും പരാതിയില് പറയുന്നു. 21 വയസ് തികയാത്ത ഷാനവാസിനെ ചെയ്യാത്ത തെറ്റ് സമ്മതിപ്പിക്കാനാണ് പോലീസ് ശ്രമിക്കുന്നതെന്നും പരാതിയില് പറയുന്നു. തളിപ്പറമ്പ് പെരളം സ്വദേശിയാണ് ഷാനവാസ്.
