സുരമുനി സേവിത സുന്ദരനയ്യന്‍
സുരജന പൂജിത സുസ്മിതനയ്യന്‍
ചന്ദന കുങ്കുമ ലേപിതനയ്യന്‍
മന്ത്രസുമാര്‍ച്ചിത മംഗളനയ്യന്‍
പ്രണവപ്പൊരുളിന്‍ പ്രഭയാണയ്യന്‍
പ്രകൃതീ പുരുഷലയം പ്രിയനയ്യന്‍
കുനുകുന്തള മന മോഹനനയ്യന്‍
കുവലയ പുഷ്പ സമര്‍പ്പിതനയ്യന്‍
സര്‍വ്വചരാചര രക്ഷകനയ്യന്‍
സര്‍വ്വാനന്ദ സദാശിവനയ്യന്‍
സങ്കട പങ്കഹരന്‍ ഗുരുവയ്യന്‍
സംഗഹരന്‍ ശിവ ശങ്കരനയ്യന്‍
വൃഷ്ടി സമഷ്ടി സമസ്ഥിതനയ്യന്‍
സൃഷ്ടി സ്ഥിതിലയ കാരണനയ്യന്‍
രാഗഹരന്‍ പരമേശ്വരനയ്യന്‍
രോഗഹരന്‍ ശബരീശ്വരനയ്യന്‍
ശ്യാമളരൂപ കളേബരനയ്യന്‍
കോമളവദന സുശോഭിതനയ്യന്‍
നിശ്ചല നിര്‍മ്മല നിസ്തുലനയ്യന്‍
നിത്യനിരാമയ നിരുപമനയ്യന്‍
സന്മയ ചിന്മയ വരഗുണനയ്യന്‍
സച്ചിന്മയ മായാമയനയ്യന്‍
ഹരിഹരസുന്ദര നന്ദനനയ്യന്‍
ഹരിവര വാഹനനെന്‍ പ്രിയനയ്യന്‍
ഭട്ടബന്ധം പൂണ്ടു വാഴുമയ്യപ്പാ പൂം
പട്ടുടുത്തു പള്ളികൊള്ളുമയ്യപ്പാ
മുദ്രിത ധ്യാനസ്ഥിതനാമയ്യപ്പാ ചിന്‍
മുദ്രയോടെ വാണിടും പൊന്നയ്യപ്പാ
തത്വമസി തത്ത്വപ്പൊരുളയ്യപ്പാ ബ്രഹ്മ
തത്ത്വമോതിക്കുടികൊള്ളുമയ്യപ്പാ
കാതരമാനസം കാക്കാനയ്യപ്പാ എന്നും
കാഞ്ചന ശ്രീലകം വാഴുമയ്യപ്പാ
മണിരത്‌ന ഹാരധാരീ അയ്യപ്പാ പൊന്‍
മണികണ്ഠനായി വാഴും അയ്യപ്പാ
കനക കിരീടം ചൂടി അയ്യപ്പാ കയ്യില്‍
കടക കങ്കണം ചാര്‍ത്തി അയ്യപ്പാ
കനകകുണ്ഡലം കാതില്‍ അയ്യപ്പാ ഭസ്മ
കളഭം തിരുനെറ്റിയില്‍ അയ്യപ്പാ
മെയ് നിറഞ്ഞ പൂമാലയില്‍ അയ്യപ്പാ നറും
നെയ്യണിഞ്ഞ പൂമേനിയില്‍ അയ്യപ്പാ
കാനന പൂങ്കാവനത്തില്‍ അയ്യപ്പാ കാല
കാലസ്വരൂപനായ് വാഴും അയ്യപ്പാ.
