കൊച്ചി: ഇസ്ലാമിക് സ്റ്റേറ്റുമായി ബന്ധമുള്ള ഷെഫിന് ജഹാന്റെ സുഹൃത്തുക്കള്ക്കെതിരെ എന്ഐഎ അനുബന്ധ കുറ്റപത്രം സമര്പ്പിച്ചു. മലയാളികളായ മന്സീദ്, സഫ്വാന് എന്നിവര്ക്കെതിരെയാണ് കുറ്റപത്രം. എന്ഐഎ ഡിവൈഎസ്പി ഷൗക്കത്തലി സമര്പ്പിച്ച കുറ്റപത്രത്തില് ഗുരുതരമായ കണ്ടെത്തലുകളാണുള്ളത്.
സംസ്ഥാനത്ത് ഇസ്ലാമിലെ അഹമ്മദീയ വിഭാഗത്തെ വംശഹത്യ നടത്താനായിരുന്നു ഇവരുടെ പ്രധാന പദ്ധതിയെന്നാണ് കണ്ടെത്തല്. ഇന്ത്യയിലെത്തുന്ന ജൂത വിനോദ സഞ്ചാരികളെയുമാണ് ഇവര് ലക്ഷ്യമിട്ടത്. കൊടൈക്കനാലിലെ ജൂതപ്പള്ളിയിലെത്തുന്നവരെയാണ് ഐഎസ് ഭീകരര് നോട്ടമിട്ടത്. ഹൈക്കോടതി ജഡ്ജിമാര്, ഉന്നത പോലീസ് ഉദ്യോഗസ്ഥര്, രാഷ്ട്രീയ നേതാക്കള് തുടങ്ങിയവരെയും ഇവര് നോട്ടമിട്ടതായി എന്ഐഎയുടെ അനുബന്ധ കുറ്റപത്രത്തില് വ്യക്തമാക്കുന്നു. മന്സീദിന്റെ നേതൃത്വത്തിലാണ് ഗൂഢാലോചന നടന്നത്.
പദ്ധതി നടപ്പിലാക്കാന് വന്തോതില് ആയുധങ്ങളും സ്ഫോടക വസ്തുക്കളും സംഭരിക്കാനും ഇവര് തീരുമാനിച്ചിരുന്നു. കുടിവെള്ളത്തില് കലര്ത്തുന്നതിനായി വിഷം വാങ്ങി സൂക്ഷിക്കുന്നതിനും ഇവര് തീരുമാനിച്ചതായും കുറ്റപത്രത്തിലുണ്ട്.
കഴിഞ്ഞ ദിവസം ഐഎസ് ബന്ധത്തെക്കുറിച്ചറിയാന് ഷെഫിന് ജഹാനെ എന്ഐഎ മണിക്കൂറുകളോളം ചോദ്യം ചെയ്തിരുന്നു. സാമൂഹ്യമാധ്യമങ്ങളിലടക്കം ഷെഫിന് ജഹാന് തീവ്രവാദികളുമായി ആശയവിനിമയം നടത്തിയതിന്റെ തെളിവുകളുടെ അടിസ്ഥാനത്തിലാണ് ചോദ്യം ചെയ്യല് നടന്നത്.
ഹിന്ദുക്കളെ കൊലപ്പെടുത്തണമെന്ന തരത്തില് നിരവധി വാട്സാപ്പ് സന്ദേശങ്ങള് നേരത്തെ പ്രചരിച്ചിരുന്നു. ക്ഷേത്രങ്ങളില് ഉത്സവം നടക്കുമ്പോള് വാഹനങ്ങള് ഇടിപ്പിച്ച് കയറ്റിയും തോക്കുകള് ഉപയോഗിച്ചും ഹിന്ദുക്കളെ കൊലപ്പെടുത്തണമെന്ന് സന്ദേശങ്ങള് പ്രചരിച്ചിരുന്നു.
