മുണ്ടക്കയം: പതിനൊന്ന് പൊതികഞ്ചാവുമായി വഴിയോര വെളുത്തുള്ളി കച്ചവടക്കാരന് അറസ്റ്റില്.മുണ്ടക്കയം, വരിക്കാനി കുറ്റിപറമ്പില് കുര്യന് ജോസഫ് (വെളുത്തുള്ളി കുര്യന്- 63) നെയാണ് ഇന്നലെ രാവിലെപോലീസ് അറസ്റ്റ് ചെയ്തത്.
മാസങ്ങളായി സ്കൂള് കുട്ടികള്ക്ക് ചെറുപൊതികളാക്കി കഞ്ചാവ് വില്ക്കുന്നതായി ലഭിച്ച വിവരത്തെ തുടര്ന്ന് ഇയാളെ പോലീസ് നിരീക്ഷിച്ച് വരികയായിരുന്നു.
വെളുത്തുള്ളി, ചെറിയ ഉള്ളി, സവാള എന്നീ സാധനങ്ങളുടെ വില്പനമറവിലാണ് കുട്ടികള്ക്ക് കഞ്ചാവ് വില്പന നടത്തിയിരുന്നത്.
മുന്പ് നിരവധി തവണ സമാന കേസുകളില് ഇയാളെ എക്സൈസ് പിടികൂടിയിട്ടുണ്ട്. മുണ്ടക്കയം സബ് ഇന്സ്പെക്ടര് അനൂപ് ജോസ്, സി പി ഒ മാരായ ജോബി ജോസഫ്, ജയകുമാര്, സന്തോഷ് എന്നിവരുടെ നേതൃത്വത്തില് അറസ്റ്റ് ചെയ്ത പ്രതിയെ കോടതിയില് ഹാജരാക്കി.
