വളാഞ്ചേരി: എറണാകുളത്തേക്ക് സ്പിരിറ്റുമായി പോവുകയായിരുന്ന ലോറി മറിഞ്ഞ് അപകടം. വളാഞ്ചേരിക്കടുത്ത് സംസ്ഥാനപാതയിലെ വട്ടപ്പാറ വളവില്‍ ഇന്നലെ രാവിലെ ഒന്‍പത് മണിയോടെയാണ് അപകടം നടന്നത്.
വട്ടപ്പാറ പള്ളിയുടെ സമീപത്തായാണ് ലോറി മറിഞ്ഞത്. ഹെയര്‍പിന്‍ വളവില്‍ നിയന്ത്രണം വിട്ടതാണ് അപകടകാരണം. അപകടത്തോടെ ടാങ്കര്‍ ചോര്‍ന്ന് സ്പിരിറ്റ് പരന്നൊഴുകിയതിനാല്‍ സംസ്ഥാനപാതയില്‍ ദീര്‍ഘനേരം ഗതാഗതം തടസ്സപ്പെട്ടു.
വാഹനങ്ങള്‍ പുത്തനത്താണി വഴി തിരിച്ചു വിട്ടു. സ്പിരിറ്റ് മറ്റൊരു ടാങ്കറിലേക്ക് മാറ്റിയതിന് ശേഷമാണ് ഗതാഗതം പുനസ്ഥാപിച്ചത്.
പ്രതികരിക്കാൻ ഇവിടെ എഴുതുക: