മലപ്പുറം: സിബിഎസ്ഇ സ്‌കൂള്‍ ജില്ലാ കായികമേള കാലിക്കറ്റ് യൂണിവേഴ്‌സിറ്റി സിന്തറ്റിക് സ്റ്റേഡിയത്തില്‍ ഡിസംബര്‍ മൂന്ന്, നാല് തീയതികളില്‍ നടക്കും. സിബിഎസ്ഇ സ്‌കൂള്‍ മലപ്പുറം ജില്ലാ മാനേജ്‌മെന്റ് അസോസിയേഷനും മലപ്പുറം സെന്‍ട്രല്‍ സഹോദയയും സംയുക്തമായാണ് കായികമേള സംഘടിപ്പിക്കുന്നത്.
മൂന്നിന് രാവിലെ കാലിക്കറ്റ് യൂണിവേഴ്‌സിറ്റി കായിക വിഭാഗം മേധാവി ഡോ. സക്കീര്‍ ഹുസൈന്‍ ഉദ്ഘാടനം നിര്‍വ്വഹിക്കും. മലപ്പുറം സെന്‍ട്രല്‍ സഹോദയ പ്രസിഡന്റ് പി.പി. നൗഫല്‍ അദ്ധ്യക്ഷത വഹിക്കും. 70 സ്‌കൂളുകളില്‍ നിന്നായി 2500 വിദ്യാര്‍ത്ഥികള്‍ മത്സരങ്ങളില്‍ പങ്കെടുക്കും. റിലേ ഒഴികെ 86 ഇനങ്ങളിലാണ് മത്സരം നടക്കുക. അണ്ടര്‍ 10, 12, 14, 16, 19 വിഭാഗങ്ങളിലാണ് മത്സരം. ആദ്യമായി സിന്തറ്റിക് ട്രാക്കില്‍ നടക്കുന്ന മേളയുടെ ഒരുക്കങ്ങള്‍ വിലയിരുത്തന്നതിന് ഡിസംബര്‍ രണ്ടിന് രാവിലെ 11ന് മലപ്പുറം മഅ്ദിന്‍ പബ്ലിക് സ്‌കൂളില്‍ കായികാദ്ധ്യാപകരുടെ യോഗം നടക്കും.
വാര്‍ത്താസമ്മേളനത്തില്‍ സിബിഎസ്ഇ സ്‌കൂള്‍ മാനേജ്‌മെന്റ് അസോസിയേഷന്‍ വൈസ് പ്രസിഡന്റ് കല്ലിങ്ങല്‍ മുഹമ്മദലി, പി.പി. നൗഫല്‍, ഷാഫി അമ്മായത്ത്, പി.ടി.എം. ആനക്കര തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: