കണ്ണൂര്: എച്ച്ഐവി ബാധിതയാണെന്ന് ആരോപിച്ച് അങ്കണവാടി ജീവനക്കാരിക്ക് വിലക്ക്. നാട്ടില് ഇവരെ ഒറ്റപ്പെടുത്തിയ നിലയിലാണ്. ഇവരെ ഉപേക്ഷിച്ച ഭര്ത്താവിന് രണ്ട് വര്ഷം മുമ്പ് എച്ച്ഐവിയുണ്ടെന്ന് കണ്ടെത്തിയിരുന്നു. ഈ വിവരം പുറത്തുവന്നതിനെതുടര്ന്നാണ് ഇവര്ക്ക് വിലക്ക് കല്പിച്ചത്.
കുട്ടികളെ അയയ്ക്കാന് രക്ഷിതാക്കള് തയ്യാറാവാത്തതിനെത്തുടര്ന്ന് അങ്കണവാടി പൂട്ടിയിട്ട നിലയിലാണ്. ഒമ്പത് മാസമായി അങ്കണവാടി തുറക്കാറില്ല. കുട്ടികളെ ഇപ്പോള് മറ്റൊരു അങ്കണവാടിയിലാണ് ചേര്ത്തിരിക്കുന്നത്.
ജീവനക്കാരിക്ക് ഫലത്തില് ഊരുവിലക്കാണ്. ഇവര് സഞ്ചരിക്കുന്ന ബസുകളില് ആളുകള് കയറുന്നില്ല. കടയില് നിന്ന് സാധനങ്ങള് നല്കാന് പോലും വിസമ്മതിക്കുകയാണ്. ഇവര്ക്ക് യാതൊരു ആരോഗ്യ പ്രശ്നവുമില്ലെന്ന് ഡോക്ടര് സാക്ഷ്യപത്രം നല്കിയിട്ടുണ്ടെങ്കിലും അതൊന്നും ആരും കണക്കിലെടുക്കുന്നില്ല.
ചില ബോധവത്ക്കരണ ക്ലാസുകള് നടത്തിയിരുന്നെങ്കിലും അധികൃതരുടെ ഭാഗത്ത് നിന്ന് കാര്യമായ നടപടികളൊന്നും ഉണ്ടായില്ലെന്ന് ആക്ഷേപമുണ്ട്. പണിതീരാറായ വീട്ടില് കഴിയുന്ന ഈ സ്ത്രീ ജീവിക്കാന് വകയില്ലാതെ വിഷമിക്കുകയാണ്.
