മട്ടന്നൂര്: അഞ്ചുദിവസം നീണ്ടുനില്ക്കുന്ന മട്ടന്നൂര് ജയകേരള സംസ്ഥാന പ്രൊഫഷണല് നാടകമത്സരം സുശീല്കുമാര് തിരുവങ്ങാട് ഉദ്ഘാടനം ചെയ്തു. നഗരസഭാ ഉപാധ്യക്ഷന് പി.പുരുഷോത്തമന് അധ്യക്ഷത വഹിച്ചു. ടി.പ്രശാന്ത് മുഖ്യാതിഥിയായി.
ദാമോദരന് മാസ്റ്റര്, സി.വി.വിജയന് മാസ്റ്റര്, അഷറഫ് പുറവൂര്, കെ.പി.രമേശന്, കെ.എം. ബാലകൃഷ്ണന് മാസ്റ്റര്, അണിയേരി അച്യുതന് എന്നിവര് സംസാരിച്ചു. കെ.കെ.കീറ്റുകണ്ടി സ്വാഗതവും ബാവ മട്ടന്നൂര് നന്ദിയും പറഞ്ഞു. തുടര്ന്ന് അമ്പലപ്പുഴ സാരഥിയുടെ നാടകം വനിതാ പൊലീസ് അരങ്ങേറി.
ഇന്നലെ മട്ടന്നൂര് നഗരസഭയിലെ മുഴുവന് കൗണ്സിലര്മാരും പങ്കെടുക്കുന്ന വികസന ചര്ച്ചാവേദി നഗരസഭാ മുന് ചെയര്മാന് കെ. ഭാസ്കരന് മാസ്റ്റര് ഉദ്ഘാടനം ചെയ്തു. ഡോ. ജി. കുമാരന് നായര് അധ്യക്ഷത വഹിച്ചു. വനിതാസന്ധ്യ നഗരസഭാ ചെയര്പേഴ്സണ് അനിതാവേണു ഉദ്ഘാടനം ചെയ്തു. ഡോ. സുചിത്രാ സുധീര് അധ്യക്ഷത വഹിച്ചു. കോഴിക്കോട് മനസ്സിന്റെ നാടകം ഹൃദയത്തിലേക്കൊരു മടക്കയാത്ര അവതരിപ്പിച്ചു.
ഇന്ന് വൈകുന്നേരം 3.50 ന് നടക്കുന്ന കവിതാസായാഹ്നം കാരായി ശ്രീധരന് ഉദ്ഘാടനം ചെയ്യും. കെ.വി.ശശിധരന് അധ്യക്ഷത വഹിക്കും. വൈകുന്നേരം 6.20ന് നടക്കുന്ന യുവസംഗമം ഇ.പി.ജയരാജന് എംഎല്എ ഉദ്ഘാടനം ചെയ്യും. സന്ദീപ് മട്ടന്നൂര് അധ്യക്ഷത വഹിക്കും. രാത്രി 7 മണിക്ക് കോഴിക്കോട് നാടക നിലയത്തിന്റെ നാടകം ചാണക്യന് അരങ്ങേറും.
നാളെ വൈകുന്നേരം 5 മണിക്ക് നടക്കുന്ന പാലിയേറ്റീവ് പ്രവര്ത്തക സംഗമത്തിന് മിനി ക്ലബ്ബ് അമ്മ പെയിന് ആന്റ് പാലിയേറ്റീവ് പ്രവര്ത്തകര് നേതൃത്വം നല്കും. തുടര്ന്ന് 5.55 ന് നടക്കുന്ന സാംസ്കാരിക സന്ധ്യ കെ.സി.ജോസഫ് എംഎല്എ ഉദ്ഘാടനം ചെയ്യും. എന്. ഷാജിത്ത് മാസ്റ്റര് അധ്യക്ഷത വഹിക്കും. ഡോ. കൂമുള്ളി ശിവരാമന് മുഖ്യാതിഥിയായിരിക്കും. രാത്രി 7 മണിക്ക് തിരുവനന്തപുരം സംഘചേതനയുടെ നാടകം മഴനിലാവ് നടക്കും.
29 ന് വൈകുന്നേരം 4.30 ന് എല്ലാവര്ക്കും പാടുവാന് അവസരം നല്കുന്ന ഞാനും പാടും പരിപാടി. തുടര്ന്ന് 5.55 ന് സമാപന സന്ധ്യ ടി.കെ.ഡി.മുഴപ്പിലങ്ങാട് ഉദ്ഘാടനം ചെയ്യും. നഗരസഭാ മുന് ചെയര്മാന് കെ.ടി.ചന്ദ്രന് മാസ്റ്റര് അധ്യക്ഷത വഹിക്കും. കീഴല്ലൂര് പഞ്ചായത്ത് പ്രസിഡണ്ട് എം.രാജന് മുഖ്യാതിഥിയായിരിക്കും. രാത്രി 7 മണിക്ക് ആലപ്പുഴ ഭരതിന്റെ നാടകം മൂന്ന് ഇന്ത്യന് പൗരന്മാരുടെ ഒരുദിവസം അരങ്ങേറും.
