അമ്പലപ്പുഴ: ഈ വര്ഷത്തെ സുദാമ – ശ്രീകൃഷ്ണ സംഗമം ഡിസംബര് 20ന് അമ്പലപ്പുഴ ശ്രീപ്രിയ ഓഡിറ്റോറിയത്തില് ആഘോഷിക്കും. ആഘോഷത്തോട് അനുബന്ധിച്ചുള്ള സംഗമ സമ്മേളനം ജസ്റ്റിസ് കെ.ടി തോമസ് ഉദ്ഘാടനം ചെയ്യും. അമ്പലപ്പുഴ ഗോപകുമാര് അധ്യക്ഷനാകുന്ന സമ്മേളനത്തില് ബിജെപി സംസ്ഥാന അധ്യക്ഷന് കുമ്മനം രാജശേഖരന് മുഖ്യപ്രഭാഷണം നടത്തും.
ശ്രീകൃഷ്ണന്റെ ബാല്യകാല സുഹൃത്തായിരുന്ന സുദാമാവ് ദ്വാരകയിലെത്തി ഭഗവദ് ദര്ശനം നടത്തിയ ദിവസത്തെ കുചേല ദിനമായാണ് ഭാരതത്തിലെങ്ങും ആചരിക്കുന്നത്. എന്നാല് അമ്പലപ്പുഴയില് ഈ ദിവസം സുദാമ – ശ്രീകൃഷ്ണ സംഗമമായാണ് ആഘോഷിക്കുന്നത്. സുദാമാവിന്റെ ദ്വാരകാ യാത്ര, ക്ഷേത്രത്തില് അവല് സമര്പ്പണം, സംഗമ സമ്മേളനം, സംഗമ സദ്യ, പ്രസാദ് വിതരണം എന്നിവ ആഘോഷത്തിന്റെ ഭാഗമായി സംഘടിപ്പിച്ചിട്ടുണ്ട്.
ശ്രീകൃഷ്ണ – സുദാമ സംഗമത്തോട് അനുബന്ധിച്ച് എല്ലാവര്ഷവും നല്കി വരുന്ന ഗോകുലാചാര്യ പുരസ്കാരം ഇത്തവണ മുന് ദേവസ്വം ബോര്ഡ് പ്രസിഡന്റ് പ്രയാര് ഗോപാല കൃഷ്ണന് സമ്മാനിക്കും. സംഗമ സമ്മേളനത്തില് ആര്എസ്എസ് ക്ഷേത്രീയ പ്രചാരക് പ്രമുഖ് പി.ആര് ശശിധരന്, ബാബു പണിക്കര് എന്നിവര് ആശംസകള് അര്പ്പിക്കും.
