കൊടകര: പാസ്പോര്ട്ടില് കൃത്രിമം നടത്തിയ മധ്യവയസ്കന് അറസ്റ്റില്. പാസ്പോര്ട്ടില് കൃത്രിമം കാണിച്ച് പല തവണ വിദേശത്തുപോയ മറ്റത്തൂര് മൂലംകുടം തറയില് സജീവനെ കൊടകര സി.ഐ. -കെ.സുമേഷും സംഘവും ചേര്ന്നാണ് അറസ്റ്റു ചെയ്തത്. രണ്ടാഴ്ച മുമ്പ് നാട്ടിലെത്തിയ ഇയാളെ കുറിച്ച് രഹസ്യവിവരം ലഭിച്ചതിന്റെ അടിസ്ഥാനത്തിലാണ് അറസറ്റ്. 1992-ല് മുംബൈയില് നിന്നെടുത്ത പാസ്പോര്ട്ടില് കൃത്രിമം കാണിച്ചാണ് ഇയാള് വിദേശത്ത് പോയി ജോലി നേടിയത്. കരുവന്നൂര് കല്ലിങ്ങല് ശശികുമാര് എന്നയാളുടെ പേരിലുള്ള പാസ്പോര്ട്ടില് ഇയാളുടെ സ്വന്തം ഫോട്ടോ ഒട്ടിച്ചുചേര്ത്ത് ഇയാള് ആള്മാറാട്ടം നടത്തുകയായിരുന്നു. ദുബായില് വെച്ച് മൂന്നുതവണ ഈ പാസ്പോര്ട്ട് പുതുക്കിയിട്ടുള്ളതായും പോലിസ് അന്വേഷണത്തില് കണ്ടെത്തി. കൊടകര ജൂനിയര് എസ്.ഐ.-ആബിദ്, സ്പെഷല് ബ്രാഞ്ച് ഉദ്യോഗസ്ഥന് സനീഷ് ബാബു, സി.പി.ഒ. -വെല്സ എന്നിവരും ഇയാളെ അറസ്റ്റു ചെയ്ത സംഘത്തിലുണ്ടായിരുന്നു. പ്രതിയെ കോടതിയില് ഹാജരാക്കി.
പ്രതികരിക്കാൻ ഇവിടെ എഴുതുക: