മുംബൈ: ഇന്ത്യന് സൂപ്പര് ലീഗില് പോയതവണത്തേതിലും മികച്ച പ്രകടനം കാഴ്ചവെക്കാന് മുംബൈ എഫ്സി ഒരുങ്ങുന്നു. കഴിഞ്ഞ തവണ ഗ്രൂപ്പ് ഘട്ടത്തില് ഒന്നാം സ്ഥാനത്തായിരുന്നു. നേരിയ വ്യത്യാസത്തിനാണ് ഫൈനല് നഷ്ടമായത്. കോസ്റ്ററിക്കന് കോച്ച് അലക്സാന്ദ്രെയുടെ കീഴില് ഇത്തവണ നിലമെച്ചപ്പെടുത്താനുള്ള പുറപ്പാടിലാണവര്.
മുന്നേറ്റനിരയിലെ കരുത്തരായ സുനില് ഛേത്രിയും ഡീഗോ ഫോര്ലാനും ക്ലബ്ബ് വിട്ടത് അവരുടെ ആക്രമണനിരയെ ബാധിച്ചേക്കും. എന്നാല് ഇവരുടെ അഭാവം പ്രശ്നമല്ലെന്നും ഇത്തവണ മുംബൈയ്ക്ക് കിരീട സാധ്യത കൂടുതലാണെന്നും കോച്ച് പറഞ്ഞു.
സുനില് ഛേത്രിക്ക് പകരം പരിചയസമ്പന്നനായ ബല്വന്ത് സിങ്ങിനെ കിട്ടിയത് ടീമിന് ഏറെ ഗുണം ചെയ്യും. നിലവിലെ ഏറ്റവും മികച്ച സ്ട്രൈക്കര്മാരിലൊരാളാണ് ബല്വന്ത് സിങ്ങ്. കഴിഞ്ഞ മൂന്ന് മാസത്തിനുള്ളില് ഇന്ത്യക്കായി കളിച്ച നാലു മത്സരങ്ങളില് ബല്വന്ത് മൂന്ന് ഗോളുകള് നേടിയിട്ടുണ്ട്.
ബല്വന്തിനെ കിട്ടിയത് ഭാഗ്യമായി കരുതുന്നു. ബല്വന്തുമായി കരാറുണ്ടാക്കനായതില് സംതൃപ്തിയുണ്ടെന്നും കോച്ച് വെളിപ്പെടുത്തി.
പ്രതിരോധ നിരയിലെ കരുത്തരായ ജെര്സണ് വീര, ലൂസിയന് ഗോയിന്, സെഹ്നാജ് സിങ്ങ്, ഗോള് കീപ്പര് അമരീന്ദര് തുടങ്ങിയവരെ ടീമില് നിലനിര്ത്താന് മുംബൈ ടീമിന് കഴിഞ്ഞിട്ടുണ്ട്.
അടുത്തിടെ സ്പെയിനില് പര്യടനം നടത്തിയ മുംബൈ സിറ്റി നാലു വിജയങ്ങളും രണ്ട് സമനിലയും നേടിയത് അവര്ക്ക് ആത്മവിശ്വാസം നല്കുന്നു. മത്സരത്തിനനുസരിച്ച് ടീമിന്റെ ഘടനയില് മാറ്റുവരുത്തുമെന്ന് കോച്ച് പറഞ്ഞു.
