അബിദ്ജാന്: ഉത്തര ആഫ്രിക്കന് രാജ്യങ്ങളായ മൊറോക്കോയും ടുണീഷ്യയും അടുത്ത വര്ഷം റഷ്യയില് അരങ്ങേറുന്ന ലോകകപ്പ് ഫുട്ബോളിന് യോഗ്യത നേടി.
യോഗ്യതാ റൗണ്ടിലെ ഗ്രൂപ്പ് സി മത്സരത്തില് ഐവറി കോസ്റ്റിനെ ഏകപക്ഷീയമായ രണ്ട് ഗോളുകള്ക്ക് തോല്പ്പിച്ചാണ് മൊറോക്കോ ലോകകപ്പിന് യോഗ്യത നേടിയത്. ആദ്യത്തെ അഞ്ചു മിനിറ്റിനുള്ളില് നബില് ഡിറാറും മെഹ്ദി ബെനാറ്റിയയുമാണ് ഗോള് നേടിയത്്.
ഈ വിജയത്തോടെ പന്ത്രണ്ടു പോയിന്റുമായി മൊറോക്കോ ഗ്രൂപ്പില് മുന്നിലെത്തി. 1998 നു ശേഷം ഇതാദ്യമായാണ് അവര് ലോകകപ്പിന് യോഗ്യത നേടുന്നത്. ഗ്രൂപ്പ് എയില് ലിബിയയെ ഗോള് രഹിത സമനിലയില് പിടിച്ചു നിര്ത്തിയതോടെയാണ് ടുണീഷ്യക്ക് ലോകകപ്പിന് ടിക്കറ്റ് ലഭിച്ചത്. 2006 നു ശേഷം ഇതാദ്യമായാണ് ടുണീഷ്യ ലോകകപ്പിന് യോഗ്യത നേടുന്നത്.
ഗ്രൂപ്പില് ഒറ്റ മത്സരവും തോല്ക്കാതെ മുന്നേറിയ ടുണീഷ്യ 14 പോയിന്റുമായി ഒന്നാം സ്ഥാനത്തെത്തി. കോംഗോ 13 പോയിന്റോടെ രണ്ടാം സ്ഥാനം നേടി. കിന്ഷാസയില് നടന്ന മത്സരത്തില് കോംഗോ ഒന്നിനെതിരെ മൂന്ന് ഗോളുകള്ക്ക് ഗുനിയയെ പരാജയപ്പെടുത്തി.
വെള്ളിയാഴ്ച ദക്ഷിണാഫ്രിക്കയെ ഏകപക്ഷീയമായ രണ്ട് ഗോളുകള്ക്ക് കീഴടക്കി സെനഗല് ലോകകപ്പിന് യോഗ്യത നേടിയിരുന്നു.ആഫ്രിക്കന് രാജ്യങ്ങളായ നൈജീരിയയും ഈജീപ്ത്തും കഴിഞ്ഞ മാസം തന്നെ ലോകകപ്പിന് അര്ഹത നേടിയിരുന്നു.
