ജയ്പൂര്: ജോലി സമയം കഴിഞ്ഞെന്ന് ചൂണ്ടിക്കാട്ടി ് പൈലറ്റ് യാത്ര തുടരാന് തയ്യാറാവാത്തതിനാല് യാത്രക്കാര് വലഞ്ഞു.ലഖ്നൗവില് നിന്നും ജയ്പുര് വഴി ദല്ഹിയിലേക്കുള്ള അലയന്സ് എയര് വിമാനത്തിലെ 48 യാത്രക്കാരാണ് ജയ്പൂര് വിമാനത്താവളത്തില് കുടുങ്ങിയത്.
ഇന്നലെ രാത്രി ദല്ഹിയില് എത്തേണ്ടിയിരുന്നതാണ് വിമാനം. എന്നാല് മോശം കാലാവസ്ഥയെ തുടര്ന്ന് വിമാനം വൈകുകയായിരുന്നു. ജയ്പൂരില് എത്തിയപ്പോള് തന്നെ പുലര്ച്ചെ 1.30 ആയിരുന്നു. എന്നാല് ഡയറക്ടറേറ്റ് ജനറല് ഓഫ് സിവില് ഏവിയേഷന്റെ ഡ്യൂട്ടി പരിമിതിയുള്ളതിനാല് ജോലിയില് തുടരാന് കഴിയില്ലെന്നായിന്നു പൈലറ്റിന്റെ നിലപാട്.
എയര് ഇന്ത്യയുടെ അനുബന്ധ കമ്പനിയാണ് അലയന്സ് എയര്. 48 യാത്രക്കാരാണ് വിമാനത്തിലുണ്ടായിരുന്നത്. ഇവരില് ചിലരെ ബസ് മാര്ഗം ദല്ഹിയില് എത്തിച്ചു. അവശേഷിച്ചവര്ക്ക് താമസസൗകര്യം നല്കുകയും രാവിലത്തെ വിമാനത്തില് ദല്ഹിക്ക് അയക്കുകയും ചെയ്തു.
ഡ്യൂട്ടി സമയം കഴിഞ്ഞതിനാല് വിമാനം പറത്താന് പൈലറ്റ് തയ്യാറായില്ലെന്ന കാര്യം ജയ്പൂര് വിമാനത്താവള ഡയറക്ടര് ജെ.എസ് ബല്ഹറ സമ്മതിച്ചു. ഡിജിസിഎയുടെ ചട്ടങ്ങള് ഉള്ളതിനാലാണ് സുരക്ഷാ കാരണങ്ങള് ചൂണ്ടിക്കാട്ടി പൈലറ്റ് സര്വീസ് തുടരാന് വിസമ്മതിച്ചതെന്നും അദ്ദേഹം വ്യക്തമാക്കി.
