ചിറ്റൂര്‍: മിനി ലോറിയില്‍ ഒളിപ്പിച്ച്കടത്താന്‍ ശ്രമിച്ച 7260 പായ്ക്കറ്റ് ഹാന്‍സ് പിടികൂടി. തമിഴ്‌നാട്ടില്‍ നിന്നും കേരളത്തിലേക്ക് ചകിരിചോര്‍ നിറച്ച ചാക്കിനിടയില്‍ ഒളിപ്പിച്ച് കടത്താന്‍ ശ്രമിച്ച നിരോധിത പുകയില ഉത്പന്നമായ ഹാന്‍സാണ് ചിറ്റൂര്‍ സി.ഐ വി.ഹംസയുടെ നേതൃത്വത്തിലുള്ള പോലീസ് സംഘം പിടികൂടിയത്. ഇന്നലെ വൈകിട്ടാണ് വാഹനം പോലീസ് പിടികൂടിയത്.
സിഐക്ക് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് 2.50 ലക്ഷം രൂപ വിലയുള്ള ഹാന്‍സ് പിടികൂടിയത്. തത്തമംഗലം മടുപ്പിക്കാവ് വച്ചാണ് വാഹനം പോലീസ് പിടികൂടിയത്. വാഹനം പോലീസ് തടഞ്ഞതിനെ തുടര്‍ന്ന് ലോറി ഉപേക്ഷിച്ച് ഡ്രൈവര്‍ ഓടി രക്ഷപ്പെടുകയായിരുന്നു.
പിന്നീട് വാഹനം സ്റ്റേഷനിലെത്തിച്ച് നടത്തിയ പരിശോധനയിലാണ് ചകിരിച്ചോര്‍ നിറച്ച ചാക്കിനിടയില്‍ ഒളിപ്പിച്ച നിലയില്‍ ആറ് ചാക്കുകളിലായി ഹാന്‍സ് കണ്ടെടുത്തത്.
പ്രതികരിക്കാൻ ഇവിടെ എഴുതുക: