ശ്രീകണ്ഠാപുരം: പതിമൂന്നുവയസ്സുകാരിയെ പീഡിപ്പിച്ച സംഭവത്തില് മധ്യവയസ്കനെ ശ്രീകണ്ഠാപുരം പോലീസ് അറസ്റ്റ് ചെയ്തു. ചെങ്ങളായി കോട്ടപ്പറമ്പ് സ്വദേശിയും നടുവില് കണ്ണാടിപ്പാറയില് താമസക്കാരനുമായ കെ.പി.മൊയ്തീന്(50) ആണ് പിടിയിലായത്. യത്തീംഖാനയില് താമസിച്ചുപഠിക്കുന്ന പെണ്കുട്ടിയെ ഓണഅവധിക്ക് വീട്ടിലെത്തിയപ്പോഴാണ് ഇയാള് ആദ്യമായി പീഡിപ്പിച്ചത്. അന്ന് കുട്ടിയുടെ അമ്മ വീട്ടിലുണ്ടായിരുന്നില്ല. പിന്നീട് മറ്റൊരു അവധിദിനത്തില് യത്തീംഖാനയില് നിന്നും വീട്ടിലേക്ക് കൂട്ടിക്കൊണ്ടുവരുന്നതിനിടയില് പൊടിക്കളത്തെ ആളൊഴിഞ്ഞ സ്ഥലത്തുവെച്ച് വീണ്ടും പീഡിപ്പിച്ചതായും പരാതിയുണ്ട്. വിവരം പുറത്തുപറഞ്ഞാല് കൊന്നുകളയുമെന്ന് ഭീഷണിപ്പെടുത്തുകയും ചെയ്തുവത്രെ. എന്നാല് കഴിഞ്ഞദിവസം പെണ്കുട്ടി ചൈല്ഡ് ലൈന് പ്രവര്ത്തകരോട് വിവരം പറഞ്ഞപ്പോഴാണ് സംഭവം പുറംലോകം അറിയുന്നത്. തുടര്ന്ന് പോലീസില് പരാതി നല്കുകയായിരുന്നു. ഇംഗ്ലീഷ് മീഡിയം സ്കൂളില് ആറാം ക്ലാസ് വിദ്യാര്ത്ഥിനിയാണ് പെണ്കട്ടി. ശ്രീകണ്ഠാപുരത്ത് അറവ്ജോലി ചെയ്യുന്ന മൊയ്തീന് ഓട്ടോറിക്ഷ ഡ്രൈവറായും ജോലിചെയ്തുവരുന്നുണ്ട്.
പതിമൂന്നുകാരിയെ പീഡിപ്പിച്ച സംഭവം: മധ്യവയസ്കന് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.