കൊല്ലം: ഇരുപത് കൊല്ലത്തിന് ശേഷം കൊല്ലം വേദിയാകുന്ന ദേശീയ പക്ഷി-മൃഗമേളയ്ക്ക് ഒരുക്കങ്ങള് പൂര്ത്തിയായി. ഭാരതത്തിലെ ജൈവവൈവിധ്യങ്ങളുടെ സമ്പൂര്ണ്ണമായ അവതരണത്തിനാണ് 10ന് ആരംഭിക്കുന്ന മേള വേദിയാകുന്നതെന്ന് അവലോകനയോഗത്തില് മന്ത്രി കെ.രാജു പറഞ്ഞു. അപൂര്വമായ നാടന് ജനുസുകള്, വംശനാശം നേരിടുന്ന പക്ഷിമൃഗാദികള്, ബിസിനസ് മീറ്റുകള്, സംരംഭകത്വ പരിശീലനം തുടങ്ങിയവ മേളയുടെ ഭാഗമാകും.
വിനോദത്തോടൊപ്പം വിജ്ഞാനവും എതാണ് ദേശീയ പക്ഷിമൃഗപ്രദര്ശനത്തിന്റെ മുദ്രാവാക്യം. വിദ്യാര്ഥികളെക്കൂടി കാര്ഷികസാക്ഷരതയില് പങ്കാളികളാക്കണം. മേളയുടെ പക്ഷി-മൃഗവൈവിധ്യം അവര്ക്ക് കൂടി ആസ്വദിക്കാനും സ്കൂള്, ഹയര്സെക്കണ്ടറി വിദ്യാര്ഥികള്ക്ക് സൗജന്യ പ്രവേശനം നല്കുവാനും ലക്ഷ്യമിടുന്നു. ജില്ലയിലെ ഇരുപതോളം സ്കൂളുകള്ക്ക് ഇതിനായുള്ള സന്ദേശമെത്തിച്ചുകഴിഞ്ഞു.
സര്ക്കാര് പൊതുമേഖലാ സ്വകാര്യ സംരംഭകരുടേതായി 350 സ്റ്റാളുകളാണ് മേളയിലുള്ളത്. പോലീസ്, ഫയര്ഫോഴ്സ്, ഇന്ഷുറന്സ് കമ്പനികള്, വൈദ്യുതിബോര്ഡ്. കെഎസ്ആര്ടിസി, ജലഅതോറിറ്റി എിവരുടെ സേവനം ഉറപ്പാക്കും. കേന്ദ്ര ഏജന്സികളുടെയും കേന്ദ്രസര്ക്കാരിന്റെയും ഉതമേധാവികള് പ്രദര്ശനത്തില് മുഖ്യാതിഥികളായിരിക്കും. 10ന് വൈകിട്ട് ആറിന് മുഖ്യമന്ത്രി പിണറായി വിജയന് മേള ഉദ്ഘാടനം ചെയ്യും. ഗവ.ഗസ്റ്റ്ഹൗസില് ചേര്ന്ന യോഗത്തില് മന്ത്രി കെ.രാജുവിനൊപ്പം മൃഗസംരക്ഷണവകുപ്പ് ഡയറക്ടര് ഡോ:എന്.എന്. ശശി, വകുപ്പുദ്യോഗസ്ഥന്മാരായ ഡോ:ബി.ബാഹുലേയന്, ഡോ:അനില്കുമാര്, ഡോ:ഡി. ഷൈന്കുമാര് എന്നിവര് പങ്കെടുത്തു.
