കൊട്ടാരക്കര: മാലയില് മലപ്പത്തുര് ഭൂമി കുംഭകോണത്തിന് കൂട്ടുനിന്ന മുഴുവന്പേരേയും നിയമത്തിന് മുന്നില് കൊണ്ടുവരുകയും ഭൂമി സര്ക്കാര് ഭൂരഹിതര്ക്ക് വിതരണം ചെയ്യണമെന്ന് ഹിന്ദുഐക്യവേദി സംസ്ഥാന ജനറല് സെക്രട്ടറി ഇ.എസ്. ബിജു ആവശ്യപ്പെട്ടു.
കേരളത്തിന്റെ ചരിത്രത്തില് ഏറ്റവും വലിയ ഭുമി കുംഭകോണമാണിതെന്ന് വിജിലന്സ് കണ്ടെത്തി കഴിഞ്ഞു. 60 ഹെക്ടര് വരുന്ന കൃഷി ഭൂമി പ്ലാന്റേഷന് നിയമപ്രകാരം കൈവശപ്പെടുത്തി നിരവധി പേര്ക്ക് ആവശ്യാനുസരണം വില്ക്കുകയായിരുന്നു.
ഭൂരഹിത സമൂഹം ഒരു തുണ്ട് ഭൂമിക്ക് വേണ്ടി സമരം ചെയ്യുമ്പോള് കോര്പ്പറേറ്റ് മാഫിയകള് സര്ക്കാര് ഭൂമി കയ്യേറി കൈവശാവകാശം നേടുന്നത് പൊതുസമൂഹത്തെയും ഭൂരഹിതരെയും പരിഹസിക്കുന്നതിന്ന് തുല്യമാണ്.
അന്യാധീനപ്പെട്ട സര്ക്കാര് ഭൂമി നിയമ നടപടികളിലൂടെ തിരിച്ചുപിടിച്ച് ഭൂരഹിത സമൂഹത്തിന് പതിച്ചു കൊടുക്കാന് സര്ക്കാര് തയ്യാറാകാത്ത പക്ഷം ശക്തമായ പ്രക്ഷോഭത്തിന് ഹിന്ദു ഐക്യവേദി നേതൃത്വം കൊടുക്കുമെന്ന് ഇ.എസ്. ബിജു പരഞ്ഞു.
നവംബര് ഒന്നിന് മലപ്പത്തുര് ഭൂമി സംരക്ഷണ ദിനമായി ആചരിക്കുവാന് ജില്ലാ സമിതി തീരുമാനിച്ചതായി ജില്ലാ ജനറല് സെക്രട്ടറി മഞ്ഞപ്പാറ സുരേഷ് അറിയിച്ചു.
നേതൃയോഗത്തില് ജില്ലാ പ്രസിഡന്റ് പി.ശശിധരന് പിള്ള അദ്ധ്യക്ഷനായി. സംസ്ഥാന സെക്രട്ടറിമാരായ തെക്കടംസുദര്ശനന്, പുത്തൂര് തുളസി, വെളിയം ജി.വാസു പിള്ള, ജി.ബിജു തുടങ്ങിയവര് സംസാരിച്ചു.
