ബാസേല്: പ്രായം തളര്ത്താത്ത പോരാട്ട മികവുമായി പൊരുതിയ സ്വിറ്റ്സര്ലന്ഡിന്റെ റോജര് ഫെഡററിന് എട്ടാം സ്വിസ് ഇന്ഡോര് കിരീടം. അര്ജന്റീനയുടെ യുവാന് മാര്ട്ടിന് ഡെല് പൊട്രോയെ 6-7 (57), 64, 63 എന്ന സ്കോറിന് പരാജയപ്പെടുത്തിയാണ് ഫെഡറര് കിരീടം സ്വന്തമാക്കിയത്. ഫെഡററുടെ കരിയറിലെ 95–ാം കിരീടമാണിത്.
ക്ലാസിക് പോരാട്ടമാണ് ഫെഡററും ഡെല് പൊട്രോയും കാഴ്ച്ചവെച്ചത്. ടൈബ്രേക്കര് വരെ നീണ്ട ആദ്യ സെറ്റ് വരാനിരിക്കുന്ന വലിയ പോരാട്ടത്തിന്റെ സൂചന നല്കിയെങ്കിലും ഫെഡററിന്റെ മികവിന് മുന്നില് പെട്രോയ്ക്ക് മറുപടിയില്ലായിരുന്നു.
രണ്ടാം സെറ്റ് 6-4 നേടിയ ഫെഡറര് മൂന്നാം സെറ്റും പിടിച്ചടക്കിയതോടെ ഡെല്പെട്രോ കീഴടങ്ങി. 2012, 2013 വര്ഷങ്ങളില് ഫെഡററെ കീഴടക്കി പൊട്രോ കിരീടം നേടിയിരുന്നു.
