ആലപ്പുഴ: കെഎസ്ഇബി സബ് എഞ്ചിനീയര്മാരുടെ ഓണ്ലൈന് സ്ഥലംമാറ്റം ഉദ്യോഗസ്ഥതലത്തില് അട്ടിമറിക്കുന്നുവെന്ന് ആക്ഷേപം. ബോര്ഡ് ഇത്തരവിറക്കി 15 ദിവസത്തിനുള്ളില് വിടുതല് നല്കണമെന്നാണ് ചട്ടം. എന്നാല് സപ്തംബര് 16ന് സ്ഥലംമാറ്റ ഉത്തരവ്ഇറങ്ങിയിട്ടും തുടര് നടപടിയായില്ല.
ആലപ്പുഴ ഡിവിഷനില് ഒമ്പതോളം പേര് ഈ നിലയിലാണ്. 250 കിലോമീറ്റര് അകലേയ്ക്ക് സ്ഥലം മാറ്റിയവര്ക്കാണ് പ്രശ്നം. അടുത്ത പൊതുസ്ഥലം മാറ്റ വേളയില് ഒരുവര്ഷം തികയാത്തതിനാല് ഇവര്ക്ക് അപേക്ഷിക്കാനാവില്ല. മറ്റു ജില്ലകളിലേയ്ക്ക് സ്ഥലംമാറ്റപ്പെട്ടവര്ക്ക് സ്വന്തം സ്ഥലത്ത് നിന്നും ജോലി ചെയ്യുന്ന സ്ഥലത്തേയ്ക്കുള്ള ദൂരവും ജോലി ചെയ്ത ദിവസവും കണക്കാക്കിയാണ് ഓണ്ലൈന് സ്ഥലം മാറ്റത്തിന് മുന്ഗണന നിശ്ചയിക്കുന്നത്.
വിടുതല് ചെയ്യാത്തതിനാല് പലര്ക്കും ഈ ആനകൂല്യം ലഭിക്കില്ല. ഭരണാനുകൂല സംഘടനയില്പ്പെട്ടവര്ക്ക് മാത്രമാണ് സൗകര്യങ്ങള് ലഭിക്കുന്നത്.
