ചാത്തന്നൂര്: തകര്ന്നുവീണ വീട്ടില് നിന്നും മാനസികഅസ്വാസ്ഥ്യമുള്ള വൃദ്ധനെ സാമൂഹ്യ പ്രവര്ത്തകര് രക്ഷിച്ച് ആതുരാലയത്തില് എത്തിച്ചു.നെടുങ്ങോലം ആശുപത്രി ജങ്ഷന് സമീപം വിദ്യാധരവിലാസത്തില് വേണുഗോപാലനെ(60)യാണ് ചാത്തന്നൂര് കനിവിന്റെയും മനുഷ്യാവകാശ സംരക്ഷണമിഷന്റെയും നേതൃത്വത്തില് കൊല്ലം അഞ്ചാലുമൂട് സര്ക്കാര് വൃദ്ധസദനത്തില് എത്തിച്ചത്.
13ന് രാത്രിയിലെ കനത്തമഴയില് വേണുഗോപാലന്റെ വീടു തകര്ന്നു വീണിരുന്നു. അവിവാഹിതനും മാനസികാസ്വാസ്ത്യവുള്ള വൃദ്ധന്, തകര്ന്ന വീടിന്റെ മൂലയില് കഴിയുകയായിരുന്നു. ദയനീയമായ അവസ്ഥകണ്ട് പരിസരവാസികള് രംഗത്തെത്തി. ചാത്തന്നൂര് കനിവ് ചാരിറ്റബിള് സെക്രട്ടറി എസ്.രാജീവ്, മനുഷ്യാവകാശ സംരക്ഷണ മിഷന് നാഷണല് സെക്രട്ടറി കെ.എസ്.ഷൈനാസ് എന്നിവരുമായി ബന്ധപ്പെട്ടു. തുടര്ന്ന് ചാത്തന്നൂര് അസി.പോലീസ് കമ്മീഷണര് ജവഹര്ജനാദ്ദന്റെ നിര്ദ്ദേശം അനുസരിച്ച് പരവൂര് പോലീസ് എത്തി നടപടികള് സ്വീകരിച്ചു. സ്റ്റേഷനില് എത്തിച്ച വേണുഗോപാലിനെ സാമൂഹ്യപ്രവര്ത്തകരായ കെ.എസ്.ഷൈനാസ്, എസ്.രാജീവ്, എ.അനന്ദു, സനോഫര്,ഷെമീര്,’ഭഗത്, അന്വര് എന്നിവര് ഇടപെട്ട് വൃദ്ധസദനത്തിലാക്കി.
