പത്തനംതിട്ട: സിപിഎം ഡി വൈഎഫ്ഐ അക്രമികള് ലക്ഷം വീട് കോളനിയില് കയറി സ്ത്രീകളടക്കമുള്ളവരെ ആക്രമിച്ചു. വെട്ടൂര് റേഡിയോ ജംഗ്ഷനു സമീപമുള്ള ലക്ഷംവീട് കോളനിയില് ഇന്നെലെ വൈകിട്ട് നാലരയ്ക്ക് ശേഷമായിരുന്നു അക്രമം. ബൈക്കുകളിലെത്തിയ പത്തോളം വരുന്ന അക്രമികള് കോളനിയിലെ ത്തി സ്ത്രികളടക്കമുള്ളവരെ ആക്രമിക്കുയായിരുന്നു.
കഴിഞ്ഞ ദിവസം വെട്ടൂര് റേഡിയോ ജംഗ്ഷനു സമീപം വെച്ച് ലക്ഷം വീട് പത്തിയിലെ അമല് എന്ന യുവമോര്ച്ച പ്രവര്ത്തകനെ ഇവര് മര്ദ്ദിച്ചിരുന്നു. ചിറ്റൂര് ജംഗ്ഷനില് വെച്ച് മനു, ശരത്ത് എന്നീ പ്രവര്ത്തകരെയും ഇവര് മര്ദ്ദിച്ചിരുന്നു.
അതിനു പിന്നാലെയാണ് ഇന്നെലെ വീണ്ടും കോന്നി ചിറ്റുര് മുക്കി, ചാങ്കുര് മുക്ക്, പയ്യനാമണ് എന്നിവിടങ്ങളില് നി ന്നുള്ള സിപിഎം ഡിവൈഎഫ്ഐ അക്രമികള് സംഘടിച്ചെത്തി ലക്ഷം വീടി കോളനിയിലെത്തി അമലിനെ വീട്ടില് കയറി വീണ്ടും മര്ദ്ദിച്ചത്. അക്രമങ്ങള് തടയാനെത്തിയ സ്ത്രികളടക്കമുള്ളവരെ ഇവര് അക്രമിക്കുകയും ചെയ്തു. കോളനി നിവാസികളടക്കമുള്ളവര് ഇവരെ തടഞ്ഞു വെച്ചതിനെ തുടര്ന്ന് മൂന്ന് പേരെ പോലീസ് പിടി കൂടിയിട്ടുണ്ട്.
സിപിഎം നടത്തുന്ന അക്രമ പരമ്പര അവസാനിപ്പിക്കണമെന്നും കുറ്റക്കാര്ക്കെതിരെ നിയമ നടപടികള് സ്വീകരിക്കണമെന്നും യുവമോര്ച്ച ജില്ലാ ഉപാദ്ധ്യക്ഷന് ബി. അഭിലാഷ് മണ്ഡലം പ്രസിഡന്റ് രതീഷ് മരൂര്പാലം എന്നിവര് ആവശ്യപ്പെട്ടു.
