പാനൂര്: ബോംബു നിര്മ്മാണത്തിനിടെ ഇരുകൈയും നഷ്ടപ്പെട്ട സിപിഎം ക്രമിനലും ദേശാഭിമാനിക്ക് ഇര. സിപിഎം ജില്ലാ കമ്മറ്റി കഴിഞ്ഞ ദിവസം കണ്ണൂരില് സംഘടിപ്പിച്ച ഇരകളുടെ സംഗമത്തിലാണ് ബോംബ് നിര്മ്മാണത്തിനിടെ ഇരുകൈപ്പത്തിയും തകര്ന്ന മൊകേരിയിലെ ഇല്ലത്ത് ജിഗീഷിനെ ആര്എസ്എസ് അക്രമത്തിലെ ഇരയാണെന്ന് പാര്ട്ടിപത്രം ചിത്രീകരിച്ചത്. 2000 ഡിസംബര് 3നാണ് മൊകേരി ഉരുളിപീടിക പരിസരത്തു നിന്നും ബോംബ് നിര്മ്മാണത്തിനിടെ ജിഗീഷിന്റെ ഇരുകൈയ്യും സ്ഫോടനത്തില് തകര്ന്നത്. കാലിനും സാരമായ പരിക്കേറ്റു. പാത്തിപാലത്ത് വെച്ച് ഓട്ടോ െ്രെഡവറായ ഈ യുവാവിനെ സുഹൃത്തുക്കള്ക്കൊപ്പം സംസാരിച്ചിരിക്കെ ആര്എസ്എസ് സംഘം ബോംബേറിഞ്ഞുവെന്നാണ് പാര്ട്ടിപത്രം പടച്ചു വിട്ടത്. ജിഗീഷ് മൊബൈല് ഫോണ് അറ്റന്ഡ് ചെയ്യാന് ശ്രമിക്കുന്ന ഫോട്ടോയും ഇതു നോവുണര്ത്തുന്ന കാഴ്ചയുമായി ചിത്രീകരിച്ച് ആര്എസ്എസിനെതിരെ നുണപ്രചാരണം നടത്തുകയാണ് സിപിഎം ലക്ഷ്യമിട്ടത്. പാനൂര് പോലീസ് സ്റ്റേഷനില് രജിസ്റ്റ്ര് ചെയ്ത കേസില് വിചാരണ നേരിട്ട ജിഗീഷിനെ ഇരയായി ചിത്രീകരിച്ച സിപിഎം നേതൃത്വവും പാര്ട്ടി പത്രവും ഇപ്പോള് പരിഹാസ്യരായിരിക്കുകയാണ്. ഇരുകൈയ്യും നഷ്ടപ്പെട്ടിട്ടും നിരവധി കേസുകളില് ഇയാള് ആരോപണ വിധേയനായിരുന്നു. ഇന്നും മൊകേരി മേഖലയിലെ സംഘര്ഷങ്ങളില് സജീവ സാന്നിധ്യമാണ് ജിഗീഷ്. ഈ വാര്ത്ത ചിത്രം സഹിതം പുറത്തുവന്നതോടെ മൊകേരിയിലെ സിപിഎം പ്രവര്ത്തകര് തന്നെ അല്ഭുതപ്പെട്ടുപോയി. പാര്ട്ടി പത്രത്തിലെ വാര്ത്തയിലെ ആധികാരികതയും വായനക്കാരില് ചോദ്യമായി ഉയരുക തന്നെ ചെയ്യും.
ബോംബു നിര്മ്മാണത്തിനിടെ കൈകള് നഷ്ടപ്പെട്ട ക്രിമിനലും സിപിഎമ്മിന് ഇര
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.