ആലക്കോട്: കരിങ്കല് ക്വാറിക്ക് സമീപത്തു നിന്നും വന് സ്ഫോടകവസ്തുശേഖരം പിടികൂടി. ഇതുമായി ബന്ധപ്പെട്ട് ഒരാളെ അറസ്റ്റ് ചെയ്തു. വട്ട്യേര കക്കറ ക്രഷറിന് സമീപത്തെ കരിങ്കല് ക്വാറിയില് നിന്നാണ് സ്ഫോടകവസ്തുശേഖരം പിടികൂടിയത്. 281 ഇലക്ട്രോണിക് ഡിറ്റനേറ്ററുകള്, 451 ജലാറ്റിന് സ്റ്റിക്കുകള്, ഫ്യൂസ് വയറുകള് എന്നിവയാണ് പിടികൂടിയത്. സംഭവവുമായി ബന്ധപ്പെട്ട് ഓലയമ്പാടി പെരുവാമ്പയിലെ സുനിതി ഭവനില് അരുണ് കുമര്(52)ആണ് അറസ്റ്റിലായത്. രഹസ്യ വിവരത്തെ തുടര്ന്ന് തളിപ്പറമ്പ് ഡിവൈഎസ്പിയുടെ നേതൃത്വത്തില് വേഷംമാറിയെത്തിയ പോലീസ് സംഘം ക്വാറിയില് റെയ്ഡ് നടത്തുകയായിരുന്നു, പോലീസാണെന്ന് തിരിച്ചറിഞ്ഞപ്പോള് ക്വാറിയിലുള്ളവര് സ്ഫോടക വസ്തുക്കള് കാര്ഡ്ബോര്ഡ് പെട്ടികളിലാക്കി ഓടിരക്ഷപ്പെടാന് ശ്രമിക്കുന്നതിനിടെയാണ് ഒരാളെ പിടികൂടിയത്. മാതമംഗലം കുണ്ടയന് കോവിലിലെ നാരായണന്റെ ഉടമസ്ഥതയിലുള്ളതാണ് ക്വാറി. ഇവിടെ ലൈസന്സില്ലാതെയാണ് സ്ഫോടക വസ്തുക്കള് ഉപയോഗിച്ചിരുന്നത്.
കരിങ്കല് ക്വാറിക്ക് സമീപത്തു നിന്നും സ്ഫോടകശേഖരം പിടികൂടി; ഒരാള് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.