കുന്നത്തൂര്: ചക്കുവള്ളി ക്ഷേത്രഭൂമിയിലെ കയ്യേറ്റങ്ങള് ഒഴിപ്പിച്ചതിന്റെ ഭാഗമായി പരബ്രഹ്മ ക്ഷേത്രഭൂമി വിമോചന സമിതിയുടെയും ഹിന്ദുഐക്യവേദിയുടെയും നേതൃത്വത്തില് ചക്കുവള്ളിയില് ഭക്തജന സംഗമം ഇന്ന് വൈകിട്ട് 4ന് നടക്കും. ഹിന്ദുഐക്യവേദി സംസ്ഥാന നേതാക്കളായ ബ്രഹ്മചാരി ഭാര്ഗവറാം, തെക്കടം സുദര്ശന്, പുത്തൂര് തുളസി തുടങ്ങിയവര് സംസാരിക്കും. ക്ഷേത്രഭൂമികള് വീണ്ടെടുക്കാനുള്ള ഹിന്ദുഅവകാശ പോരാട്ടത്തിന്റെ ജ്വലിക്കുന്ന ഏടാണ് ചക്കുവള്ളിയിലേതെന്ന് ഹിന്ദുഐക്യവേദി സംസ്ഥാനസെക്രട്ടറി പുത്തൂര് തുളസിയും പരബ്രഹ്മക്ഷേത്രഭൂമി വിമോചനസമിതി കണ്വീനര് ആര്. സുജിത്തും പറഞ്ഞു. ഭക്തജനസമരത്തെ തകര്ക്കാന് നടന്ന പരിശ്രമങ്ങളെ നിയമപോരാട്ടത്തിലൂടെയും സമരവീര്യത്തിലൂടെയും മറികടന്ന വിശ്വാസികളെ അവര് അഭിനന്ദിച്ചു. ഭൂമി സുരക്ഷിതമാക്കാനുള്ള നടപടികള് ബോര്ഡ് കൈക്കൊള്ളണം. ഭക്തജനങ്ങള്ക്ക് അവകാശപ്പെട്ട മണ്ണ് വാണിജ്യാവകാശങ്ങള്ക്ക് വേണ്ടി വിനിയോഗിക്കുന്നത് അവസാനിപ്പിക്കണം. ക്ഷേത്രാചാരങ്ങള്ക്ക് അനുയോജ്യമായ രീതിയില് ഭൂമി വിനിയോഗിക്കാനും ധാര്മ്മികവീര്യം പകരുന്ന പരിപാടികള്ക്ക് തുടക്കം കുറിക്കാനും ഉപകരിക്കുന്നതാവണം ഈ വിജയമെന്ന് അവര് ചൂണ്ടിക്കാട്ടി.
ഭക്തജന സമ്മേളനം ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.