കൊട്ടാരക്കര: ബിജെപി സംസ്ഥാനഅധ്യക്ഷന് കുമ്മനം രാജശേഖരന് നയിക്കുന്ന ജനരക്ഷായാത്രക്ക് കൊട്ടാരക്കരയില് 15ന് സ്വീകരണം നല്കുമെന്ന് ഭാരവാഹികള് പത്രസമ്മേളനത്തില് അറിയിച്ചു. ജില്ലാ അതിര്ത്തിയായ ഏനാത്ത് നിന്ന് യാത്രയെ സ്വീകരിക്കും. ഉച്ചക്ക് 12ന് കൊട്ടാരക്കര സ്വകാര്യബസ് സ്റ്റാന്ഡില് എത്തുന്ന ജാഥാനായകനെ 5000 വനിതകള് കേരളീയ വേഷത്തില് സ്വീകരിക്കും. സ്വീകരണസമ്മേളനം കേന്ദ്രപ്രതിരോധമന്ത്രി നിര്മല സീതാരാമന് ഉദ്ഘാടനം ചെയ്യും. മണ്ഡലത്തില് നിന്ന് കാല്ലക്ഷംപേര് സമ്മേളനത്തില് അണിനിരക്കും. മണ്ഡലത്തിലെ ബിജെപിയുടെ ശക്തിതെളിയിക്കുന്ന പരിപാടിയായിരിക്കും ഇത്. വിവിധ രാഷ്ട്രീയപാര്ട്ടികളില് നിന്നുള്ള പ്രമുഖര് കുമ്മനത്തില് നിന്ന് മെമ്പര്ഷിപ്പ് സ്വീകരിക്കും. യാത്രക്ക് മുന്നോടിയായി എട്ടിന് വിളംബരജാഥ നടക്കും. 11ന് മഹിളമോര്ച്ചയുടെ നേതൃത്വത്തില് ജാഥയും 12ന് യുവമോര്ച്ചയുടെ നേതൃത്വത്തില് ബൈക്ക്റാലിയും നടക്കും. ജില്ലയില് കൊട്ടാരക്കരയിലും, കൊല്ലത്തുമാണ് പൊതുസമ്മേളനം സംഘടിപ്പിച്ചിട്ടുള്ളത്. കുണ്ടറയില് നിന്നും കാല്നടയായി ആണ് കൊല്ലത്തേക്ക് യാത്ര എത്തുന്നത്. പത്രസമ്മേളനത്തില് ചെയര്മാന് ഡോ: എന്.എന്.മുരളി, കണ്വീനര് സി.വിജയകുമാര്, ആര്.ദിവാകരന്, അമ്പലക്കര രമേശ്, മാലയില് അനില്, ശാലു കുളക്കട, സുജിത്ത് എന്നിവര് പങ്കെടുത്തു.
ജനരക്ഷായാത്രാനായകന് സ്വീകരണം 15ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.