പത്തനംതിട്ട: വിശ്വഹിന്ദു പരിഷത്ത് സീതത്തോട് പഞ്ചായത്ത് സമിതിയുടെ ദുര്‍ഗ്ഗാപൂജയും ആചാര്യത്രയജയന്തി ആഘോഷവും കോട്ടമണ്‍ പാറയില്‍ നടന്നു. ജില്ലാ സെക്രട്ടറി വി.എന്‍.സജികുമാറിന്റെ അദ്ധ്യക്ഷതയില്‍ ജില്ലാ പ്രസിഡന്റ് റ്റി.ആര്‍.ബാലചന്ദ്രന്‍ മുഖ്യപ്രഭാഷണം നടത്തി. വിവിധ സമുദായ സംഘടനകളെ പ്രതിനിധീകരിച്ച് ഡി.വിജയന്‍, കെ.ആര്‍. ബിജു, ഭാര്‍ഗ്ഗവിയമ്മ തുടങ്ങിയവര്‍ ആചാര്യത്രയങ്ങളായ ശ്രീനാരായണഗുരു, മഹാത്മാ അയ്യന്‍കാളി, ചട്ടമ്പി സ്വാമി എന്നിവരുടെ പ്രതിമകളില്‍ ഹാരാര്‍പ്പണം നടത്തി. ജില്ലാ സത്സംഗ പ്രമുഖ് കെ.ജി. ശശികുമാറിന്റെ നേതൃത്വത്തില്‍ സത്സംഗവും ദുര്‍ഗ്ഗാ പൂജയും നടന്നു. ഡി. വിജയന്‍(പ്രസിഡന്റ്), എം.എസ്. ധനേഷ്(സെക്രട്ടറി), പി. ഷിബു(ജോ.സെക്രട്ടറി), കെ.ആര്‍. ഹൈമവതി(മാതൃശക്തി സംയോജിക) എന്നിവരുടെ നേതൃത്വത്തില്‍ സീതത്തോട് പഞ്ചായത്തു കമ്മറ്റിയും കോട്ടമണ്‍പാറ സ്ഥാനീയ സമിതിയിലേക്ക് കെ.ആര്‍. രാജു(പ്രസിഡന്റ്), വത്സമ്മ രവീന്ദ്രന്‍(സെക്രട്ടറി), പൊന്നമ്മ കുട്ടിമുരുപ്പേല്‍(ജോ.സെക്രട്ടറി) എന്നിവരെയും തെരഞ്ഞെടുത്തു.
Friday, November 29, 2024
ദുര്‍ഗ്ഗാപൂജയും ആചാര്യത്രയജയന്തി ആഘോഷവും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: