പീരുമേട്: താലൂക്കിലെ ഏറ്റവും വലിയ കളിസ്ഥലമായ വണ്ടിപ്പെരിയാര് മൈതാനത്തോടുള്ള അധികൃതരുടെ അവഗണന തുടരുന്നു. ത്രിതല പഞ്ചായത്ത് അധികൃതരും എംപി, എംഎല്എ എന്നിവരും ഈ ഫുട്ബോള് മൈതാനത്തിന്റെ വികസനത്തിനായി ചെറുവിരള് പോലും അനക്കുന്നില്ലെന്ന ആരോപണം ശക്തമാണ്. 20 വര്ഷം മുമ്പ് ഇ. ബാലാനന്ദന് എംപിയുടെ വികസന ഫണ്ടില് നിന്നും 4 ലക്ഷം രൂപ മുടക്കി ഇവിടെ നിര്മ്മാണം നടത്തിയിരുന്നു. ഗ്യാലറിയുടെ കുറച്ച് ഭാഗം മാത്രമാണിവിടെ അന്ന് നിര്മ്മിച്ചത്.
താലൂക്കില് മൂന്നാംതവണയും വിജയിച്ച എംഎല്എ വികസനത്തിന് ഫണ്ട് നല്കാത്തത് നാട്ടുകാര്ക്കിടയില് വ്യാപക പ്രതിഷേധത്തിനിടയാക്കിയിട്ടുണ്ട്. ഇതുവരെ ഗോള്പോസ്റ്റ്പോലും നിര്മ്മിക്കാന് കഴിഞ്ഞിട്ടില്ല. മൈതാനത്തില് കൈയേറ്റങ്ങളും നടന്നിട്ടുണ്ട്.
ഇത് ഒഴിപ്പിക്കുന്നതത
ിനും നടപടിയൊന്നും സ്വീകരിക്കുന്നില്ല. നിരവധി വിദ്യാഭ്യാസ സ്ഥാപനങ്ങള് ഉള്ള ഇവിടെ വിദ്യാര്ത്ഥികള്ക്ക് ഏറെ പ്രയോജനം ലഭിക്കേണ്ട മൈതാനമാണിങ്ങനെ ആര്ക്കും പ്രയോജനമില്ലാതെ നശിക്കുന്നത്. സ്കൂളുകളിലെ കായിക മത്സരങ്ങളും മറ്റും നടത്തുന്നത് സ്വകാര്യ തോട്ടങ്ങളിലെ കളിസ്ഥലങ്ങളിലാണ്.
സംസ്ഥാന തലത്തില് വരെ വിജയിച്ച കുട്ടികള് മേഖലയിലുണ്ട്. മൈതാനം ആധുനിക രീതിയില് പണി പൂര്ത്തീകരിച്ചാല് ഈ മേഖലയിലുള്ള പ്രതിഭകള്ക്കള്ക്ക് ഇത് ഏറെ പ്രയോജനമാകും.
