കൊല്ലം: വിജയദശമി ആഘോഷങ്ങളുടെ ഭാഗമായി ജില്ലയിലെ പതിനേഴ് കേന്ദ്രങ്ങളില് 29, 30, 1 തീയതികളിലായി ആര്എസ്എസ് പഥസഞ്ചലനവും പൊതുപരിപാടികളും നടക്കും. ആര്എസ്എസ് കൊല്ലം ഗ്രാമജില്ലയിലെ എല്ലാ പരിപാടികളും മഹാനവമിദിവസമായ നാളെയാണ് നടക്കുന്നത്. കരുനാഗപ്പള്ളി ഖണ്ഡിന്റെ സഞ്ചലനം അരിമണ്ണൂര് കളരി അങ്കണത്തില് നിന്നും വൈകിട്ട് 3.50ന് ആരംഭിച്ച് ത്രിവേണി ജങ്ഷനില് സമാപിക്കും. 5ന് ആരംഭിക്കുന്ന പൊതുപരിപാടിയില് കേരള തണ്ടാര് ഐക്യമഹാസഭ സംസ്ഥാന പ്രസിഡന്റ് ഡി.രാജന് അദ്ധ്യക്ഷത വഹിക്കും.
ചവറ ഖണ്ഡില് പുത്തന് തുറയില് നിന്നും 3.45ന് ആരംഭിച്ച് നീണ്ടകര വെളുത്തുരുത്ത് മൈതാനത്ത് സമാപിക്കും. 5ന് നടക്കുന്ന പരിപാടിയില് പുത്തന്തുറ അരയ സേവാസമിതി പ്രസിഡന്റ് യു. രാജു മുള്ളിക്കല് അദ്ധ്യക്ഷത വഹിക്കും. ശാസ്താംകോട്ടയില് കുമരംചിറ ക്ഷേത്രമൈതാനത്ത് നിന്നും 3.45ന് ആരംഭിച്ച് കിടങ്ങയം ഗ്രൗണ്ടില് സമാപിക്കും. 5ന് നടക്കുന്ന പരിപാടിയില് റിട്ട. ആയുര്വേദ മെഡിക്കല് ഓഫീസര് ഡോ: ഡി.എസ്.ഹരികൃഷ്ണന് അദ്ധ്യക്ഷത വഹിക്കും. പുത്തൂര് ഖണ്ഡിലെ സഞ്ചലനം 3.45ന് മാവടിയില് നിന്നും ആരംഭിച്ച് പൂവറ്റൂരില് സമാപിക്കും. 4.30ന് നടക്കുന്ന സമ്മേളനത്തില് എഴുത്തുകാരന് ആറ്റുവാശ്ശേരി ബാലചന്ദ്രന് അദ്ധ്യക്ഷനാകും.
കൊല്ലം മഹാനഗരത്തില് ഏഴു കേന്ദ്രങ്ങളിലായാണ് പരിപാടി. 30ന് പനയത്ത് നടക്കുന്ന പരിപാടിയില് ഇഞ്ചവിള മാര്ത്തോമാ പള്ളി വികാരി ഫാ. ഷിബു എബ്രഹാം ജോണ് അദ്ധ്യക്ഷത വഹിക്കും. 30ന് വൈകിട്ട് കുണ്ടറ ഇളമ്പള്ളൂര് മൈതാനത്ത് നടക്കുന്ന സമ്മേളനത്തില് എസ്എന് ട്രസ്റ്റിന്റെ ഡോ: ജയദേവന് അദ്ധ്യക്ഷനാകും. കൊട്ടിയം വടക്കേമൈലക്കാട് ശിവക്ഷേത്രാങ്കണത്തിലെ പരിപാടിക്ക് എന്എസ്എസ് താലൂക്ക് യൂണിയന് പ്രസിഡന്റ് അദ്ധ്യക്ഷത വഹിക്കും. ഒക്ടോബര് 1ന് കൊല്ലം ആശ്രാമം ക്ഷേത്രാങ്കണത്തിലെ പരിപാടിയില് വണിക വൈശ്യസംഘം നേതാവ് തങ്കപ്പന് ചെട്ടിയാര്, മാമൂട്ടില്കടവ് പുതിയകാവ് സെന്ട്രല് സ്കൂള് മൈതാനത്ത് നടക്കുന്ന ശക്തികുളങ്ങര നഗരത്തിന്റെ പരിപാടിയില് റിട്ട. മേജര് സി.എസ്. നായരും അദ്ധ്യക്ഷത വഹിക്കും. 30ന് പരവൂര് പുറ്റിങ്ങല് ക്ഷേത്രാങ്കണത്തിലെ പരിപാടിയില് എംജിഎം സ്കൂള് ചെയര്മാന് പി.കെ. സുകുമാരനാണ് അദ്ധ്യക്ഷന്. 29ന് മാടന്നട ഭരണിക്കാവ് ക്ഷേത്രമൈത—ത്ത് ഇരവിപുരം നഗരത്തിന്റെ പരിപാടി നടക്കും.
പുനലൂരില് ചടയമംഗലം, പുനലൂര്, ഓയൂര്, കൊട്ടാരക്കര, അഞ്ചല്, പത്തനാപുരം എന്നീ കേന്ദ്രങ്ങളിലാണ് പരിപാടി. ഓയൂര് ഖണ്ഡിന്റെ പരിപാടി ഓടനാവട്ടം കൊച്ചാലുംമൂട് മൈതാനത്ത് 29ന് നടക്കും. പശ്ചിമഘട്ടസംരക്ഷണസമിതി ജില്ലാ ജനറല് കണ്വീനര് അഡ്വ.വി.കെ. സന്തോഷ്കുമാര് അദ്ധ്യക്ഷത വഹിക്കും. ചടയമംഗലത്തെ പൊതുപരിപാടിയില് റിട്ട. ഡെപ്യൂട്ടി കളക്ടര് എന്. രാമചന്ദ്രന് നായര് അദ്ധ്യക്ഷനാകും.
ആര്എസ്എസ് പ്രാന്തീയ വ്യവസ്ഥാപ്രമുഖ് കെ. വേണു, ധര്മ്മജാഗരണ് പ്രമുഖ് കെ. നന്ദകുമാര്, കാര്യകാരി സദസ്യന് അഡ്വ: എന്. ശങ്കര്റാം, വിഭാഗ് കാര്യവാഹ് വി. പ്രതാപന്, സഹകാര്യവാഹ് എസ്. അശോകന്, സമ്പര്ക്കപ്രമുഖ് സുധര്മ്മന്, ശബരിഗിരി വിഭാഗ് സദസ്യന് എന്.ജി. ഉണ്ണിക്കൃഷ്ണന്, ഭാരതീയവിചാരകേന്ദ്രം സഹസംഘടനാസെക്രട്ടറി വി. മഹേഷ്, ബാലഗോകുലം സംസ്ഥാന സെക്രട്ടറി ആര്. പ്രസന്നന്, ബിഎംഎസ് സംസ്ഥാന അദ്ധ്യക്ഷന് കെ.കെ. വിജയകുമാര് എന്നിവര് വിവിധ പരിപാടികളില് പ്രഭാഷണം നടത്തും.
