വര്ക്കല: മാധ്യമ പ്രവര്ത്തകനെ പോലീസ് വീട്ടില് കയറി മര്ദ്ദിച്ചു. കേരള കൗമുദി വര്ക്കല ലേഖകന് സജീവ് ഗോപാലനെയാണ് വര്ക്കല എസ്.ഐ കെ.ആര് ബിജുവിന്റെ നേതൃത്വത്തിലുള്ള പോലീസ് സംഘം മര്ദ്ദിച്ചത്. ഭാര്യ ദീപയുടെയും ഒമ്പതാം ക്ളാസ് വിദ്യാര്ത്ഥിനിയായ മകളുടെയും മുന്നിലിട്ടായിരുന്നു മര്ദ്ദനം. ഗുരുതരമായി പരിക്കേറ്റ സജീവ് വര്ക്കലയിലെ സ്വകാര്യ ആശുപത്രിയില് ചികിത്സയിലാണ്.
എസ്ഐ യുടെ നേതൃത്വത്തില് എത്തിയ പോലീസ് സംഘം വീട്ടില് അതിക്രമിച്ച് കയറി മര്ദ്ദിക്കുകയായിരുന്നു. ബഹളം കേട്ട് സമീപവാസികള് ഓടിയെത്തിയെങ്കിലും സജിവിന്റെ ഭാര്യ സഹോദരിയുടെ മകനെ പോലീസ് കസ്റ്റഡിയിലെടുക്കുകയായിരുന്നു.
സംഭവത്തില് പ്രതിഷേധിച്ച് വര്ക്കലയില് പ്രതിഷേധ പ്രകടനവും യോഗവും നടന്നു. പ്രതിഷേധ യോഗം സ്വാമി സച്ചിതാനന്ദ ഉദ്ഘാടനം ചെയ്തു.മുന് എംഎല്എ വര്ക്കല കഹാര്, ബിജെപി.സംസ്ഥാന കമ്മിറ്റി അംഗം ആലംകോട് ദാനശീലന് വിവിധ രാഷ്ട്രീയ പാര്ട്ടി പ്രതിനിധികളായ കെ.എം.ലാജി, പി.കെ.വിദ്യാധരന്, അഡ്വ.കൃഷ്ണകുമാര് , ബല്റാം, അഡ്വ.ബി.ഷാലി, മാധ്യമ പ്രവര്ത്തകരായ ജയപ്രകാശ്, സുനില്, സുരേഷ് തുടങ്ങിയവര് സംസാരിച്ചു.
