കൊഴിഞ്ഞാമ്പാറ:ചിറ്റൂരിന്റെ കിഴക്കന് മേഖലയായ വടകരപ്പതി പഞ്ചായത്തില് കിണര്പള്ളം, ബാബാജിനഗര് വാര്ഡുകളില് കുടിവെള്ള ക്ഷാമം രൂക്ഷമായി. ജൂണ് ജൂലൈ മഴ കാലങ്ങളില് പോലും ലോറി വെള്ളം ആശ്രയിക്കുന്ന പ്രദേശങ്ങളാണ് ഈ മേഖല. ലോറി വെള്ളം നിര്തലാക്കിയതും ജനങ്ങളെ അവതാളത്തിലാക്കി. ഇതിനെത്തുടര്ന്ന് നൂറു കണക്കിന് അമ്മമാരും സ്ത്രീകളും മൂന്ന് മണിക്കൂര് റോഡ് ഉപരോധിച്ചു.
ശനിയാഴ്ച രാവിലെ 7.30 ഓടെയാണ് റോഡ് ഉപരോധം ആരംഭിച്ചത്.
കൊഴിഞ്ഞാമ്പാറ പോലീസ് സ്ഥലത്തെത്തി വടകരപ്പതി പഞ്ചായത്ത് പ്രസിഡന്റ് ബന്ധപ്പെട്ട വാര്ഡ് മെമ്പറുകള് സ്ഥലത്ത് വിളിച്ചു വരുത്തി ചര്ച്ച ചെയ്തു. എത്രയും വേഗം വെള്ളം നല്കാമെന്ന വാക്കിന്റെ അടിസ്ഥാനത്തില് റോഡ് ഉപരോധം അവസാനിപ്പിച്ചു. ബാബാജി നഗര് ഗണേഷ്, കിണര്പള്ളം നന്ദു, ആട്ടയാംപതി സെന്തില് എന്നിവര് ഉപരോധ സമരത്തിന് നേതൃത്വം നല്കി.
