കല്ലടിക്കോട്:ഇടക്കുര്‍ശ്ശി കളത്തിക്കുന്നേല്‍ ജോസ് (55 )മരിച്ച സംഭവത്തില്‍ സഹോദരിയുടെ മകന്‍ ബിജോയ് (40) അറസ്റ്റില്‍.പ്രതിയെ സംഭവസ്ഥലത്തെത്തിച്ച് തെളിവെടുത്തു.
കഴിഞ്ഞ തിങ്കളാഴ്ച ഉച്ചക്കാണ് കനാലരികില്‍ പറക്കിലടി ഭാഗത്ത് ജോസിനെ മരിച്ച നിലയില്‍ കണ്ടത്.ആദ്യം വാഹനാപകടമാണെന്ന് സമീപത്തായി സ്‌കൂട്ടറും കിടന്നിരുന്നു.വാഹനാപകടമാണെന്ന് തോന്നത്തക്ക വിധത്തിലായിരുന്നു.നാട്ടുകാരുടെ ഇടപെടലോടെയാണ് സംഭവം കൊലപാതകമാണെന്ന സംശയത്തിലേക്ക് നീങ്ങിയത്.
ഓട്ടോ ഡ്രൈവറായ പ്രതി വാക്കോട് ഭാഗത്തേക്ക് പോകുമ്പോള്‍ ഒപ്പം സ്‌കൂട്ടറിലെത്തിയ ജോസും തമ്മില്‍ സാമ്പത്തിക ഇടപ്പാടിന്റെ പേരില്‍ വാക്ക് തര്‍ക്കമുണ്ടായി.ഇത് കൊലപാതകത്തില്‍ കലാശിക്കുകയായിരുന്നു.
മദ്യപിച്ചിരുന്ന ജോസിനെ വാക്കുതര്‍ക്കത്തിനിടയില്‍ ബിജോയ് കൈകൊണ്ട് ആഞ്ഞടിക്കുകയും തലയടിച്ച് നിലത്ത് വീണ ജോസിനെ ചവിട്ടുകയും ചെയ്തതായി പ്രതി സമ്മതിച്ചു.
തലയിലേറ്റ മുറിവില്‍ നിന്നും രക്തമൊഴുകുന്ന നിലയില്‍ കിടന്ന ജോസിനെ ആശുപത്രിയിലെത്തിക്കാനും അപകടവും മരണവും പോലീസിനെയും മറ്റുള്ളവരെയും അറിയിക്കാനും മരണാനന്തര ചടങ്ങിലും സജീവമായി ബിജോയ് ഉണ്ടായിരുന്നു.
സാക്ഷികള്‍ മണ്ണാര്‍ക്കാട് സിഐക്ക് നേരിട്ട് നല്‍കിയ പരാതിയിലാണ് അപകടമരണമാകുമായിരുന്ന കേസ് കൊലപാതകമാണെന്ന് തെളിഞ്ഞത്.മണ്ണാര്‍ക്കാട് സിഐ ഹിദായത്തുള്ള മാമ്പ്ര, എസ്‌ഐറോയി,ഷാഫി,ശ്യാം,സഹദ് ,അനീസ്തുടങ്ങിയവര്‍ അന്വേഷണ സംഘത്തില്‍ ഉണ്ടായിരുന്നു.
പ്രതികരിക്കാൻ ഇവിടെ എഴുതുക: