കടുത്തുരുത്തി: കേബിള് പണിക്കായി കൊണ്ടുവന്ന അന്യസംസ്ഥാന തൊഴിലാളികളെ കരാറുകാരന് കബളിപ്പിച്ച് മുങ്ങി. കുടിവെളളവും ഭക്ഷണവുമില്ലാതെ രണ്ടുദിവസം അലഞ്ഞ തൊഴിലാളികള്ക്ക്്് വാട്സ് ആപ്പ് കൂട്ടായ്മ തുണയായി.
കടുത്തുരുത്തി സെന്ട്രല് ജംങ്ഷനില് തിങ്കളാഴ്ച രാത്രിയാണ് സംഭവം. മഹാരാഷ്ടയിലുളള രമേഷ് ഷിന്റോയെന്ന കരാറുകാരന് സ്വദേശികളായ സദാശിവം(55), ഭാര്യ മാല്ത്ത(50), ഇവരുടെ രണ്ടുകുട്ടികളും, ബന്ധു കാന്ഷിറാം(62) എന്നിവരെ കടുത്തുരുത്തിയില് ശനിയാഴ്ചയെത്തിച്ചിരുന്നു. ഇവര്ക്കുളള താമസ സൗകര്യം കണ്ടെത്തിയിട്ടു വരാമെന്നറിയിച്ച് രമേശ് മുങ്ങുകയായിരുന്നു.
ഭാഷയറിയാത്ത ഇവര് പണമില്ലാത്തതിനാല് ഭക്ഷണം പോലും കഴിക്കാതെ ടൗണില് കഴിയുകയായിരുന്നു. അന്യസംസ്ഥാന തൊഴിലാളികള് കബളിക്കപ്പെട്ട വിവരം കടുത്തുരുത്തി ന്യൂസ്് എന്ന് വാട്സ് ആപ് കൂട്ടായ്മയിലൂടെ പ്രചരിച്ചു. തുടര്ന്ന് വാട്സ് ആപ് കൂട്ടായ്മയിലെ അംഗങ്ങളായ കടുത്തുരുത്തി പഞ്ചായത്ത്് പ്രസിഡന്റ് പി.വി സുനില്, ഡോ.ഷാജി ഗുരുക്കള്, സജി കാര്ത്തിക എന്നിവരുടെ നേതൃത്വത്തിലെത്തിയ സംഘം കുടുംബത്തെ സഹായിക്കുകയായിരുന്നു. കരാറുകാരനെ ബന്ധപ്പെടുവാന് ശ്രമിച്ചെങ്കിലും ഫോണ് സ്വിച്ച്് ഓഫാക്കിരിക്കുകയാണ്. വാട്സ് ആപ് കൂട്ടായ്മ ഇവര്ക്ക്് തിരിച്ച് നാട്ടിലേക്ക് പോകുന്നതിനുളള ട്രെയിന് ടിക്കറ്റിനും മറ്റ് ചെലവിനുമായി പണം കണ്ടെത്തി നല്കി. കടുത്തുരുത്തി എസ്ഐ ജി.പ്രദീപ് തൊഴിലാളികളുടെ രേഖകള് പരിശോധിച്ചു.
