കണ്ണൂര്: മാടായിപ്പാറയില് ജൈവവൈവിധ്യ പൈതൃകകേന്ദ്രം സ്ഥാപിക്കാനുളള നീക്കം നിക്ഷിപ്ത താല്പ്പര്യക്കാരുടെ രഹസ്യ അജണ്ടയാണെന്നും ഇത് ഹൈന്ദവ വിശ്വാസങ്ങളുടെ നേര്ക്കുള്ള കടന്നുകയറ്റമാണെന്നും ബിജെപി ജില്ലാ പ്രസിഡണ്ട് പി.സത്യപ്രകാശ് പ്രസ്താവിച്ചു. ജൈവവൈവിധ്യ സംരക്ഷണത്തിന്റെ മറവില് ക്ഷേത്രഭൂമി കയ്യേറാനുള്ള ശ്രമത്തില് നിന്നും ബന്ധപ്പെട്ടവര് പിന്മാറണമെന്നും അദ്ദേഹം ആവശ്യപ്പെട്ടു. ചിറക്കല് കോവിലകത്തിന്റെ കീഴിലുള്ള മാടായിപ്പാറ മാടായിക്കാവ് ദേവസ്വത്തിന്റെ ആചാര വിശ്വാസങ്ങള് ആചരിക്കുന്നതിനായി നീക്കിവെച്ച സ്ഥലമാണ്. ഇവിടെ ജൈവവൈവിധ്യങ്ങള് കാലക്രമേണ സ്വാഭാവികമായി ഉണ്ടായതാണ്. എന്നാല് അടിസ്ഥാനഘടകം ആചാരവിശ്വാസം മാത്രമാണ്. ജൈവവൈവിധ്യത്തെ സംരക്ഷിക്കുവാന് ഭക്തജനങ്ങളും ദേവസ്വവും എല്ലാകാലത്തും ശ്രമിച്ചിട്ടുണ്ടെന്നിരിക്കെ ഇവിടെ ജൈവവൈവിധ്യ പൈതൃക കേന്ദ്രമാക്കി മാറ്റാനുള്ള നിക്ഷിപ്ത താല്പ്പര്യക്കാരുടെ ശ്രമം തികച്ചും രാഷ്ട്രീയപ്രേരിതമാണെന്നും അദ്ദേഹം പറഞ്ഞു. മാടായിപ്പാറ കയ്യേറാനും കെട്ടിടങ്ങള് നിര്മ്മിച്ച് തനത് സ്വഭാവം നശിപ്പിക്കാനുമുള്ള ശ്രമം നടത്തിയരാണ് ഇപ്പോള് മാടായിപ്പാറ സംരക്ഷകരായി വരുന്നതെന്നും ഇത് ജനങ്ങള് തിരിച്ചറിയണമെന്നും അദ്ദേഹം ആവശ്യപ്പെട്ടു.
മാടായിപ്പാറയിലെ ജൈവവൈവിധ്യ പൈതൃക കേന്ദ്രം ഹൈന്ദവവിശ്വാസങ്ങളുടെ നേര്ക്കുള്ള കടന്നുകയറ്റം: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.