എടത്വാ: ജിഎസ്ടിയുടെ പേരില് എടത്വാ ടൗണില് വിലനിലവാരം തോന്നും പടിയെന്ന് ആക്ഷേപം. നിത്യോപയോഗ സാധനങ്ങള് ഉള്പ്പെടെ പഴം, പച്ചക്കറി, മത്സ്യം, മാംസം എന്നീ സാധനങ്ങളുടെ വിലയാണ് പല സ്ഥാപനത്തിലും വ്യത്യസ്ഥ രീതിയില് ഈടാക്കുന്നത്.
വിലനിലവാരത്തിലെ ഏകീകരണമില്ലായ്മ ഉപഭോക്താക്കളെയാണ് വലക്കുന്നത്. ജി.എസ്.ടിയില് 95 ഓളം സാധനങ്ങളുടെ വില കുറഞ്ഞിട്ടുണ്ടന്ന് കേന്ദ്ര-സംസ്ഥാന സര്ക്കാരുകള് വ്യക്തമാക്കുമ്പോഴും വിലനിലവാരം എടത്വായില് കുത്തനെ ഉയരുകയാണ്.
കച്ചവട സ്ഥാപനത്തിന് മുമ്പില് വില വിവര പട്ടിക പ്രസിദ്ധീകരിക്കണമെന്ന് നിബന്ധനയുണ്ടങ്കിലും പലരും അവഗണിക്കുകയാണ് പതിവ്. സാധനങ്ങളുടെ ബില്ല് ലഭിക്കാത്തത് കാരണം പരാതിപ്പെടാനും ഉപഭോക്താക്കള്ക്ക് നിര്വ്വാഹമില്ല.
ബില്ല് ചോദിച്ചാല് സാധനങ്ങള് തരാന് കച്ചവടക്കാര് തയ്യാറാകുന്നില്ല. പഴം, പച്ചക്കറി സാധനങ്ങള് വാഹനങ്ങളില് എത്തിച്ച് വില കുറച്ച് വിതരണം നടത്തുന്നവരെ സ്ഥിരം കച്ചവടക്കാര് ഒടിക്കാറുണ്ട്.
വില്പ്പന നികുതി ഉദ്യോഗസ്ഥര് ഇവിടേയ്ക്ക് തിരിഞ്ഞുനോക്കാത്തതും കച്ചവടക്കാര്ക്ക് അനുഗ്രഹമാണ്. പഞ്ചായത്തും ഇതിനെതിരെ നടപടി സ്വീകരിക്കാറില്ല. വിലനിലവാരം ഏകീകരിക്കാന് നികുതി് വിഭാഗം അടിയന്തിരമായി ഇടപെടണമെന്ന് ഉപഭോക്താക്കള് ആവശ്യപ്പെടുന്നു.
