കണ്ണൂര്: കേരളത്തെ സമ്പൂര്ണ്ണ മാലിന്യരഹിത സംസ്ഥാനമാക്കി മാറ്റാനുള്ള മഹായജ്ഞത്തിന് 71-ാം സ്വാതന്ത്ര്യ ദിനമായ ഇന്ന് തുടക്കമിടും. ജില്ലാതലത്തില് മന്ത്രിമാര് പങ്കെടുക്കുന്ന സ്വാതന്ത്ര്യദിന ചടങ്ങുകള്ക്കു ശേഷം മാലിന്യത്തില് നിന്നും സ്വാതന്ത്ര്യം പ്രഖ്യാപനം നടത്തും. ദേശീയ പതാകഉയര്ത്തല്ചടങ്ങിന് ശേഷം മന്ത്രി കെ.കെ ശൈലജ മാലിന്യത്തില് നിന്നും സ്വാതന്ത്യം പ്രഖ്യാപനം നടത്തും. തുടര്ന്ന് ജില്ലയിലെ എല്ലാഎം.പിമാരും,എം.എല്.എമാരും മറ്റ് ജനപ്രതിനിധികളും ഗൃഹസന്ദര്ശനം നടത്തി ലഘുലേഖകള് വിതരണം ചെയ്യും.
ഓരോവീട്ടിലും ഉല്പാദിപ്പിക്കപ്പെടുന്ന മാലിന്യങ്ങള് നിലവില് ഏത് വിധേനയാണ് സംസ്ക്കരിക്കുന്നതെന്ന് മനസ്സിലാക്കുന്നതിനും,ജൈവമാലിന്യങ്ങള് ഉറവിടത്തില്തന്നെ സംസ്ക്കരിക്കുന്നതിന് ഏത് സംവിധാനമാണ് ഓരോവീടിനും അനുയോജ്യമെന്ന് കണ്ടെത്തുന്നതിനുമുള്ള ഗൃഹതലസന്ദര്ശനം ജില്ലയില് പൂര്ത്തിയായി. ഏകദേശം 30,000 വളണ്ടിയര്മാരാണ് ഗൃഹതല സന്ദര്ശന പരിപാടിയില് പങ്കെടുത്തത്. ജില്ലയിലെ 6,13,000വീടുകളിലും വളണ്ടിയര്മാര് അവസ്ഥ നിര്ണ്ണയ പഠനവും ബോധവല്ക്കരണവും നടത്തി. എല്ലാ തദ്ദേശസ്വയം ഭരണസ്ഥാപന ആസ്ഥാനങ്ങളിലും സ്വാന്ത്ര്യദിന ചടങ്ങുകളുടെ തുടര്ച്ചയായി മാലിന്യത്തില് നിന്നും സ്വാതന്ത്ര്യം പ്രഖ്യാപനവും പ്രതിജ്ഞയും വൈകീട്ട് 7 മണിക്ക് എല്ലാവീടുകളിലും സ്ഥാപനങ്ങളിലും ദീപവും തെളിക്കും. വിവരശേഖണ പ്രവര്ത്തനത്തിന്റെ ഭാഗമായി ലഭ്യമായ വിവരങ്ങളുടെ അടിസ്ഥാനത്തില് ഓരോ തദ്ദേശസ്വയം ഭരണസ്ഥാപനവും മാലിന്യമുക്തമാക്കുന്നതിനുള്ള സമഗ്ര ശുചിത്വ പദ്ധതി സെപ്തംബര് 15-നകം തയ്യാറാക്കി നവംബര് 1 ന് പദ്ധതിയുടെ തുടക്കംകുറിക്കുന്ന പ്രഖ്യാപനങ്ങള് നടത്തും.
