നടുവില്: പൈതല് മലയടിവാരത്ത് മാലിന്യ പ്ലാന്റ് നിര്മ്മിക്കാനുള്ള നീക്കത്തിനെതിരെ നാട്ടുകാര് രംഗത്ത്. ജലനിധി പദ്ധതിയിലുള്പ്പെടുത്തി അറുപത്തിയഞ്ച് ലക്ഷം രൂപ ചെലവിലാണ് കാപ്പിമല വൈതല്കുണ്ടില് മാലിന്യ പ്ലാന്റ് നിര്മ്മിക്കുന്നത്. അതീവ പാരിസ്ഥിതിക പ്രാധാന്യമുളള പൈതല് മലയടിവാരത്ത് മാലന്യ സംസ്കരണ പ്ലാന്റ് സ്ഥാപിക്കുന്നതോടെ കടുത്ത പാരിസ്ഥിതിക പ്രശ്നങ്ങള് ഉടലെടുക്കുമെന്നാണ് നാട്ടുകാരുടെ വാദം. എന്നാല് പാരിസ്ഥിതിക പ്രശ്നങ്ങള് ഒന്നുംതന്നെ ഇല്ലാത്തവിധത്തിലുള്ള മാലിന്യ സംസ്കരണ പ്ലാന്റാണ് ഇവിടെ സ്ഥാപിക്കുന്നത് എന്നാണ് അധികൃതരുടെ വാദം. ജനവാസമേഖലയല്ലെന്നത് കണക്കിലെടുത്താണത്രെ കാപ്പിമലയെ പ്ലാന്റിനായി പരിഗണിക്കുന്നത് എന്നും അധികൃതര് പറയുന്നു. എന്നാല് ആലക്കോട് പുഴയുടെ ഉദ്ഭവം ഉള്പ്പെടെ നിരവധി ജലശ്രോതസ്സുകളും കാപ്പിമല വെള്ളച്ചാട്ടവും സ്ഥിതിചെയ്യുന്നതിന് സമീപത്താണ് പ്ലാന്റ് സ്ഥാപിക്കാന് നീക്കം നടക്കുന്നതെന്നാണ് നാട്ടുകാര് ആരോപിക്കുന്നത്. ഇതിന്റെ താഴ്വരയിലാണ് നിരവധി ആദിവാസി കുടുംബങ്ങള് താമസിക്കുന്ന ഫര്ലോങ്ങ്കര കോളനി സ്ഥിതിചെയ്യുന്നത്. പ്ലാന്റ് സ്ഥാപിക്കുന്നതിനെതിരെ ശക്തമായ സമരങ്ങള് നടത്തുമെന്ന് പരിസരവാസികള് മുന്നറിയിപ്പ് നല്കിയിട്ടുണ്ട്. അതോടൊപ്പം ജില്ലയിലെ തന്നെ പ്രസിദ്ധമായ പൈതല് മല ടൂറിസം വികസന പദ്ധതികള്ക്കും പ്ലാന്റ് വിലങ്ങുതടിയാകുമെന്ന് നാട്ടുകാര് മുന്നറിയിപ്പുനല്കി.
പെതല് മലയിലെ മാലിന്യ പ്ലാന്റിനെതിരെ നാട്ടുകാര് രംഗത്ത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.