ന്യൂദല്ഹി: രാജീവ് ഗാന്ധിയെ രാഷ്ട്രീയപരമായി പക്വതയില്ലാത്ത വ്യക്തിയായിട്ട് കേന്ദ്ര രഹസ്യാന്വേഷണ വിഭാഗം(സിഐഎ) കണക്കാക്കിയിരുന്നെന്ന് അമേരിക്കന് ഏജന്സിയുടെ റിപ്പോര്ട്ട്.
ഇന്ദിരാഗാന്ധി കൊല്ലപ്പെടുന്നതിന് രണ്ട് വര്ഷം മുമ്പായിരുന്നു രഹസ്യന്വേഷണ വിഭാഗം ഇത്തരമൊരു വിലയിരുത്തല് നടത്തിയത്. പാര്ട്ടിയേയോ പൊതുജനത്തേയോ ഉണര്ത്തുന്നതില് രാജീവ് പരാജിതനായിരുന്നെന്നും ഏജന്സിയുടെ രഹസ്യ റിപ്പോര്ട്ടിനെ ചൂണ്ടിക്കാട്ടി പിടിഐ റിപ്പോര്ട്ട് ചെയ്തു.
1983 ജനുവരി 14 എന്ന തീയതി രേഖപ്പെടുത്തിയ റിപ്പോര്ട്ടില് കോണ്ഗ്രസ് പാര്ട്ടി ഈ സാഹചര്യങ്ങളില് ക്ഷയിച്ചിരുന്നെന്നും പറയുന്നു.
1984 ഒക്ടോബറില് ഇന്ദിര കൊല്ലപ്പെട്ടതിന് ശേഷമുള്ള ചില കാര്യങ്ങള് തെളിയിക്കുന്നത് രാജീവിന്റെ അപക്വതയാണെന്നും റിപ്പോര്ട്ടില് പറയുന്നു. അങ്ങനെയല്ലായിരുന്നെങ്കില് ഇന്ദിര കൊല്ലപ്പെട്ട് മാസങ്ങള്ക്കകം അധികാരത്തിലേറിയ രാജീവ് അത് തെളിയിക്കുമായിരുന്നെന്നും റിപ്പോര്ട്ടില് ചൂണ്ടിക്കാട്ടുന്നു.
