എഴുകോണ്: സിപിഎം അക്രമത്തില് പരിക്കേറ്റ എഴുകോണ് ഗ്രാമപഞ്ചായത്ത് പ്രസിഡന്റ് കെ. ശ്രീലതയെ വനിതാകമ്മീശനംഗം അഡ്വ:എം.എസ്. താര ആശുപത്രിയില് സന്ദര്ശിച്ചു. അതിക്രമത്തില് കേരള വനിത കമ്മീഷന് കേസെടുത്തു.
ശ്രീലത ഗ്രാമപഞ്ചായത്ത് ഓഫീസിലായിരിക്കെ അവരുടെ പുരയിടം ജെസിബി ഉപയോഗിച്ച് ഏതാനും പേര് ഇടിച്ച് നിരത്തുന്നതറിഞ്ഞ് എത്തിയപ്പോഴാണ് കൈയേറ്റമുണ്ടായത്. ഭര്ത്താവിനെ സംഘം ചേര്ന്ന് മര്ദിക്കുന്നത് തടയുന്നതിനിടെ തനിക്ക് മാനഹാനിയും അപമാനവും ഉണ്ടാകുന്ന തരത്തില് അതിക്രമം കാട്ടിയെന്നാണ് വനിതാ കമ്മീഷന് നല്കിയ പരാതിയില് പറഞ്ഞിട്ടുള്ളത്.
സ്ഥലത്തെത്തിയ പോലീസുകാരുടെ സാന്നിധ്യത്തിലും കൈയേറ്റം തുടര്ന്നുവെന്നും എതിര്കക്ഷികള് നേരത്തെ ഓഫീസിലെത്തി അസഭ്യവര്ഷം നടത്തുകയും കസേരകള് അടിച്ചൊടിക്കുകയും ചെയ്തിട്ടുണ്ടെന്നും പരാതിയില് പറയുന്നു.
വനിത കമ്മീഷന് അംഗം എം.എസ്. താര സംഭവത്തെ തുടര്് ശ്രീലതയെ ആശുപത്രിയില് സന്ദര്ശിച്ച് വിവരങ്ങള് ആരാഞ്ഞു. നീതിപൂര്വകമായ പോലീസ് നടപടിക്ക് ആവശ്യമായ ഇടപെടലുണ്ടാവുമെ് എം.എസ്. താര അറിയിച്ചു.
പോലീസിനെ വരുതിയിലാക്കി പ്രദേശത്ത് സിപിഎം നടത്തുന്ന അതിക്രമങ്ങള് വലിയ പ്രതിഷേധം വിളിച്ചുവരുത്തിയിരുന്നു. സിപിഐ അംഗമായ ശ്രീലതയ്ക്കെതിരെയുണ്ടായ അക്രമത്തില് പ്രതിഷേധിച്ച് എഴുകോണ് പഞ്ചായത്തില് സിപിഐയുടെ നേതൃത്വത്തില് ഹര്ത്താല് ആചരിച്ചിരുന്നു. മുഖത്തലയില് സിപിഐ ഓഫീസ് അക്രമിച്ച സംഭവങ്ങള്ക്ക് പിന്നാലെയാണ് എഴുകോണിലെ അക്രമവും.
